Kryeministri t’i shkarkojë/ Në Qarkun Kukës me 2000 intelektualë klasi; qeverisjen e komandojnë Safeti me kurs polici dhe Dulla me 8 klasë shkollë; mirëpo gjersa bablokut i pëlqen dhe i intereson, që sundimin e tij ta ketë me drejtues pa personalitet, pa integritet e pa formim; nuk është çudi që ndonjë ditë, të dëgjojmë se dhe Sadri Abazi e Tom Doshi, kanë propozuar ngritje komisioni parlamentar, për zhvlerësimin e veprave të At Gjergj Fishtës, Kadaresë e Agollit, apo heqjen e titullit “Hero Kombëtar” Skënderbeut
Mund të mos merreshim me turpin, për heqjen e titullit “Qytetar Nderi” të Veton Surroit, por është e duhet bërë shqetësim publik; fakti se ky turp ka vulën e drejtuesve dhe këshilltarëve të Bashkisë e të Këshillit të Qarkut Kukës.
Kjo aventurë deri në çmenduri e kryebashkiakut Safet Gjici dhe kryetarit të Qarkut, Abdulla Domi; është bërë për t’i treguar Edi Ramës; se kur kritikohet “sulltani” janë gati të bëjnë gjithçka për të nën logon e partisë e pushtetit, qoftë dhe anormale, amorale, anti-ligjore e perverse.
Në fakt, me këtë vendim, dukshëm shërbim prej servilësh “robotikë”, Safet Gjici e Abdulla Domi, i kanë dhënë bablokut, “shuplakë” të fortë personale, institucionale, politike e publike, duke provuar se Rama ka krijuar pushtet lokal me dallkauakë, injorantë, aventurierë e pazaraxhinj.
Nëse i referohemi video-audios së publikuar, konstaton se nuk kemi të bëjmë me mbledhje Anëtarësh të Këshillit të Qarkut, institucionit vendim-marrës që përfaqëson 80 mijë banorë të 3 bashkive; por me 13 “mjeranë” të komanduar nga injorantët Safet Gjici e Abdulla Domi.
Skandal-turpi i shefave të Bashkisë e Këshillit të Qarkut-Kukës, nuk ka ndodhur as para 100 vitesh nga krye-bajraqe e krypleqësi në trevat shqiptare, kur pushteti dhe patriotizmi, nuk kishin as fytyrën e Safetit të tenderëve dhe as shkollimin minimal të Abdullait të Qarkut.
Por ja që ndodhi në vitin 2020, me strukturat dhe drejtuesit e pushtetit që ka krijuar Edi Rama; duk përzgjedhur vetëm “anadollakë”, jo thjeshtë për t’i patur inferiorë nën nivelin e tij; por së pari, për t’i përdorur si ushtarë firmash në pazare financiare e pasurore.
Me këtë vendim, Safeti e Dulla, na dhanë provën se pushteti “Rilindja” nuk është pastruar nga “llumi”; mbasi pas shporrjes së kriminelëve e trafikantëve nga grupi parlamentar, ministritë, drejtoritë, degët e partisë dhe bashkitë; kanë filluar të dalin në skenë injorantët, dallkaukët dhe palaçot e qeverisjes lokale.
Kryeministri Rama, reagoi ashpër, duke e cilësuar “lajthitje Kolektive”, por në këtë rast, “kolektivi” janë të emëruarit dhe të përzgjedhurit prej tij e partisë së tij në Kukësin me 2000 intelektualë klasi e dinjitoz.
Tre prej atyre që propozuan dhe votuan vendimin për heqjen e titullit “Qytetar Nderi” Veton Surroit; janë kryebashkiakë të Kukësit, Hasit e Tropojës, votues të cilët kryeministri mund dhe duhet t’i shkarkojë jo për shkelje disipline partie, por si “TURPI I SHTETIT”.
Ndërsa kryetarin e Qarkut-Kukës, minimalisht duhet ta shkarkojë, për shak të arsimit 8 klasë shkollë që ka, por ka dorëzuar 2 diploma universitare false.
Në të kundërt, nëse Rama nuk i shporr injorantët nga drejtimi dhe zyrat e pushtetit, nuk është aspak çudi, që së shpejti, të dëgjojmë që dhe Sadri Abazi e Tom Doshi, kanë propozuar ngritje komisioni parlamentar, për zhvlerësimin e veprave të At Gjergj Fishtës, Kadaresë e Agollit, apo heqjen e titullit “Hero Kombëtar” Skënderbeut./Pamfleti
