Ndërron jetë gruaja që u përplas mëngjesin e sotëm nga ambulanca. Një kalimtare është aksidentuar nga një autoambulancë. Ngjarja ka ndodhur paraditen e sotme tek ish-Restorant Durrësi në kryeqytet.
Pas përplasjes, ka qenë po ambulanca ajo që ka transportuar të plagosurën për në spital, e cila ka ndërruar jetë pas rreth një ore.
Dëshmitarë thanë për “Panorama” se e moshuara ka qenë duke bërë pazar.
Përplasja ndodhi teksa gruaja po kalonte rrugën, duke i dalë përpara ambulancës.
Njoftimi i policisë:
Në rrugën Ferit Xhajko pranë ish Restorant Durrësit mjeti i ambulancës me drejtues shtetasin H., G ka humbur kontrollin duke aksidentuar këmbësoren F.,S rreth 70 vjeçe.
Si pasojë shtetasja ka ndërruar jetë në SQU
Drejtuesi i mjetit ndodhet aktualisht i shoqëruar në komisariat.
Në vendngjarje ndodhet grupi hetimor ku vijon punën për zbardhjen e rrethanave dhe shkakut të aksidentit.