Një ngjarje tragjike është shënuar pak më parë në Tiranë ku nënë e bijë janë gjetur të pa jeta në banesë, teksa vajza tjetër është dërguar në spital në gjendje të rëndë bën me dije policia.
Vëllai i 56 vjeçares ka lajmëruar policinë pasi motra e tij nuk përgjigjej në telefon dhe as nuk i hapte derën e banesës. Dyshohet se dy viktimat dhe vajza tjetër, që është në gjendje të rëndë në spital, kanë përdorur substanca helmuese për t’u vetëflijuar.
Drejtori i Policisë së Tiranës, Rebani Jaupi i cili ishte i paranishëm në vendin ku ndodhi ngjarja e rëndë ka zbuluar të tjera detaje. Sipas tij viktimat nuk kanë kanë pasur shenja dhune, por sipas Jaupit është konstatuar se ditët e fundit nuk janë ushqyer. Ai tha se vajzat janë të arsimuara.
“Vëllai i viktimës ka njoftuar në polici se nuk kam kontakt me motrën dhe dy mbesat e mia. Është njoftuar zjarrfikësja. U ngrit grupi hetimor. Shkuam në banesë dhe në pamundësi për të hapur derën kemi hyrë nga dritarja. Menjëherë konstatuam të zonjën e shtëpisë të vdekur, një nga vajzat në gjendje kritike dhe në një ambient tjetër në krevat është gjetur e mbuluar me batanije dhe jorgan vajza tjetër.
Po kryhen veprime në vendngjarje. Sipas ekspertit mjeko ligjor dy viktimat nuk kanë shenja dhuna dhe dyshohet se janë vetëflijuar. Do tju njoftojmë konkluzionet e mjekut ligjor. Mendohet për një vetëflijim. Kemi gjetur shënime të ndryshme, me përmbajtje fetare. Do të bëhet ekspertimi i telefonave dhe kompjuterët. Të dy vajzat kanë qenë të arsimuara, por kanë qenë të papuna. Ka pasur shenja të mosushqyerjes ditët e fundit”, tha Jaupaj.
