Beqaj ka përvojë nga xhambazllëqet me PPP-të në shëndetësi, ndërsa Angjeli vjen “shkolla e mjeshtërisë” së hajdutërive me Ilir Metën e Fatos Nanon në koncesionet e bakrit, kromit, naftës, guroreve, depozitave greke të naftës në Durrës dhe shitjen e BKT me… 1 USD
Prej afro 8 vitesh, Babloku vazhdon ta qarkullojë “vulën” e miratimit të ligjeve të financave, ekonomisë, bizneseve e lejeve të PPP-ve, në të njëjtat “duar të pista”, që kanë bërë pazaret dhe kanë firmosur korrupsionin shtetëror 2 miliardë Euro.
Me urdhër të tij, me propozim të Taulant Ballës dhe me votim nga gjithë deputetë- “goglat” pozitë-opozitë, Anastas Angjeli u rikthye në postin Kryetar i Komisionit të Ekonomi-Financave; ndërsa Ilir Beqja u caktua Kryetar i Komisionit për Veprimtaritë Prodhuese, Tregtinë e Mjedisin.
Duke nisur nga data 18 janar 2021, gjithë ligjet për ekonominë, privatizimet, kontratat e qirave, buxhetin, taksat, çmimet, tarifat dhe fondet për koncesione e PPP, do menaxhohen nga “mamuthi” Anastas Angjeli.
Se çfarë do bëjë Angjeli me këto ligje, kjo nuk do “shkencë” për t’u kuptuar, pasi përveç urdhërave të Bablokut; ai do zbatojë dhe “përvojën” e hajdutërive që ka patur me Ilir Metën e Fatos Nanon, në ligjet për koncesioniet e bakrit, kromit, naftës, depozitave greke në Durrës dhe shitjen e BKT me vlerë…1 USD.
Ndërsa Ilir Beqjes, Babloku i ka dhënë “vulën” e komisionit që harton ligjet për PPP në prodhim-shërbimet publike e private; politikat e ekonomisë kombëtare, ligjet për bizneset, turizimin, energjinë, tregëtinë; dhe koncesionet e lejeve mjedisore për HEC-e, pyje, lumenj, gurore, plazhe, minerale etj.
Me vendosjen e “ujkut” Ilir Beqja në krye të këtyre sektorëve ku qarkullojnë miliarda fonde e mijëra pasuri publike; Babloku është i qetë dhe i sigurtë, se pazaret do t’i ecin edhe më mbarë; tamam si me PPP-të në Shëndetësi./Pamfleti
