Rama firmos vendimin më antikombëtar dhe antishqiptar që pas ardhjes në pushtet, kalon të gjithë Shqipërinë në duart e kokave të krimit, korrupsionit dhe trafiqeve, pronat do të jepen me një euro dhe do të shpërndahen nga drejtorët e korruptuar, më pas pronat do dhe godinat shtetërore do të privatizohen brenda 5 viteve
Edi Rama ka firmosur vendimin më mafioz, më antishqiptar dhe antikombëtar që pas ardhjes në pushtet në vitin 2013, me 1 milionë shuplakat e famshme. Në kushtet kur investitorët e huaj po ja mbathin nga Shqipëria për shkak të korrupsionit qeveritar, në kushtet kur askush nga ndërkombëtarët nuk i jep më borxh dhe në kushtet kur po rrezikohen rrogat dhe pensionet për shkak të dhënies së parave të buxhetit të shtetit me koncesion, Edi Rama ka vendosur të kalojë të gjithë Shqipërinë në duart e baronëve të drogës, kokave të trafiqeve dhe korrupsionit, për të pastruar paratë krimit dhe korrupsionit. Pronat dhe çdo pasuri publike do të kalojë në dorën e njerëzve që do qeveria me vetëm një euro. Pasuritë publike do të shpërndahen nga vetë qeveria dhe drejtorët e korruptuar të Edi Ramës. Më pas 
pasuritë do të privatizohen.
Vendimi nr. nr. 421, datë 12.6.2018, që mban firmën e Edi Ramës, ndryshon një vendim të mëparshëm nr. 54, datë 5.2.2014 më mënyrën e dhënies me qira të pasurisë shtetërore. Në vendim thuhet se “Pasuritë shtetërore me sipërfaqe mbi 500 m2 u jepen të tretëve edhe me kontrata qiraje/ enfiteozë, me tarifën 1 euro/kontrata, me vendim, rast pas rasti, të Këshillit të Ministrave. Institucioni, që zhvillon procedurën dhe që ushtron të drejtën e përfaqësuesit të pronarit shtet për pasurinë shtetërore, i propozon Këshillit të Ministrave të miratojë lidhjen e kontratës së qirasë/enfiteozës jo me çmimin fitues, por me çmimin 1 euro/kontrata kur, pas përfundimit të procedurave të konkurrimit, rezulton fitues një subjekt, i cili propozon që në pasurinë shtetërore do të zhvillojë një prej veprimtarive”. Me këtë pikë, të gjithë klientët e qeverisë dhe kapot e drogës që kanë para të pista, do të marrin pronat dhe ndërtesat shtetërore.
Ky është vetëm hapi i parë, pasi pas pesë viteve, pronat dhe godinat shtetërore do të privatizohen. Kështu në vendim thuhet se “Në kontratat e qirasë ose të enfiteozës të lidhura për pasuri me sipërfaqe trualli mbi 500 m2, në rastet kur subjekti qiramarrës ose enfiteozëmarrës ka kryer investime në përputhje me planbiznesin, në masën mbi 750 për qind të vlerës së truallit, si dhe kur subjekti ka respektuar kushtet e kontratës, atij i lind e drejta e privatizimit të drejtpërdrejtë të objektit të kontratës, sipas legjislacionit në fuqi, edhe pa u përmbushur afati prej 5 (pesë) vjetësh i kontratës.”
Vendimi krijon të gjitha hapësirat, që pronat dhe pasuritë e fundit publike të privatizohet nga një kastë që po pasurohet, në kurriz të shumicës së popullit që po varfërohet. Vendimi saktëson “Në rast se subjekti, që ka lidhur një kontratë qiraje/enfiteozë me të drejtë zhvillimi, realizon kushtet e parashikuara në kontratë, subjektit qiramarrës/enfiteozëmarrës i lind e drejta e
paraqitjes së kërkesës për blerjen e truallit, objekt i kontratës së qirasë/enfiteozës, në përputhje me shkronjën “b”, të nenit 3, të ligjit nr. 7980, datë 27.7.1995, “Për shitblerjen e trojeve”, të ndryshuar. Në rast se pasuritë shtetërore, për të cilat është lidhur një kontratë qiraje/enfiteozë, kanë ndërtime ekzistuese, të cilat, për arsye amortizimi, nuk mundësojnë përmbushjen e objektit të kontratës, subjektit qiramarrës/ enfiteozëmarrës i lind e drejta e paraqitjes së kërkesës pranë përfaqësuesit të pronës shtetërore për shembjen e tyre”.
Me këtë vendim, të gjitha pasuritë publike që kanë mbetur do të kalojnë në duart e trafikantëve, oligarkëve dhe partiakëve, pasi pronat do të kenë mundësi t’i marrin vetëm ata që kanë para të pista dhe korrupsioni. Me këtë vendim zonat më të mira bregdetare, lagunat, pyjet, minierat, repartet ushtarake, shkolla, magazina, pronat e mbetura në qytetet kryesore etj., do të kalojnë në duar e kokave të krimit dhe korrupsionit./Pamfleti
