Lëvizja Vetëvendosje ka dorëzuar një ankesë pranë Panelit Zgjedhor për Ankesa dhe Parashtesa kundër vendimit të KQZ-së për moscertifkimin e listës së deputetëve për zgjedhjet e 14 shkurit.
Pavarësisht rekomandimit të qartë nga Zyra për Certifkimin dhe Regjistrimin e Subjekteve Politike për të certifikuar listat e deputetëve, vetëvendosje thotë se KQZ në krye me Valdete Dakën në mënyrë arbitrare dhe antiinstitucionale hodhi poshtë këtë rekomandim me qëllimin e vetëm që ta pamundësojë certifikimin e listës së Lëvizjes VETËVENDOSJE!.
Kryesia e VV shprehet e bindur se lista e dorëzuar nga Lëvizja VETËVENDOSJE! me 16 janar 2021 do të certifikohet e plotë me bartësin e saj, kryetarin Albin Kurti.
Edhe Aleanca për Ardhmërinë e Kosovës, NISMA Social-Demokrate janë ankuar të shtunën në Panelin Zgjedhor për Ankesa dhe Parashtresa (PZAP) lidhur me moscertifikimin e subjektit dhe kandidatëve për deputetë.
Zyrtarë të PZAP kanë deklaruar për REL se janë dorëzuar gjithësej tetë apele.
AAK dhe NISMA, kanë bërë ankesë për moscertifikim të subjektit dhe kandidatëve për deputetë nga subjektet politike përkatëse për zgjedhjet e parakohshme parlamentare të 14 shkurtit.
Ankesa kanë bërë dhe disa subjekte nga radhët e minoriteteve në Kosovë.
