Fol një fjalë o “i papërlyeri” Edi Rama, për batërdinë që bëhet me tenderët e makinave, shërbimeve, koncesioneve, uniformave, ushqimit, mobiljeve e investimeve në policinë “Xhafaj” dhe në krejt administratën publike, duke nisur nga “Agaç-Ogiçi” i zyrës tënde, deri tek “minjtë” e zyrave të OSHEE, hipotekave, arsimit, shëndetësisë, tatimeve e bashkive
Sipas një infomacioni, që u bë lajm i bujshëm qeveritar, Policia Federale Gjermane, i dhuroi policisë shqiptare, 10 automjete me vlerë totale 127 mijë euro, për shërbimin kufitar, që duhet thënë se është “han pa porta”, aq sa më të sigurtë, janë gardhet e parcelave të domateve në fshatra, se sa vija kufitare.
Kjo dhuratë, tregon faktin, që qeverisjet shqipatre e kanë katandisur këtë vend deri në atë derexhe, sa vetë qeveria bënë “festë dipomatike” edhe kur bota i fal lopata, karroca, çizme llastiku, kominoshe e kavanoza supe, për emergjencat civile, normal, por dhurimi i 10 makinave, evidenton një hajdutëri gjigande që bëhet me tenderët në Shqipëri.
Dhjetë makinat që dhuroi gjermania, janë me vlerë totale 127 mijë euro, të cilat siç u tha, janë të sofisktikuara për mbikqyrjen e kufirit tokësor e që sipas llogarisë pjestim-shumëzim (jo të Lulit), 1 makinë kushton 12 mijë e 700 euro.
Mirëpo kjo dhuratë gjermane, zbulon skandalin, që polica shqiptare, këto Tip e teknologji makinash, i ka blerë me tender tek oligarkët ngjyrë “blu, mavi e të kuq” në Kashar, Durrës dhe tek “Rruga e Kavajës”, me çmime 2 e 3 më të lartë!
Prandaj o “steka” e qeverisë, leri llogjet në “FB” e dil thuaj një fjalë, për batërdinë që vazhdon të bëhet në policinë “Xhafaj” dhe në krejt administratën publike, duke nisur nga “Agaç-ogiçi” zyrës tënde e deri tek “minjtë” e zyrave në ministritë e tjera, në spitale, OSHEE, AKSHI, Fondi Sigurimit, KEMP-e, ISSH, dogana, hipoteka, tatime, Universitete, prefektura, Ujësjellësa, Borde Kullimi e bashki
Njerëzit janë lodhur nga bejtet pozitë-opozitë dhe nga premtim-mashtrimet, që mbulojnë vjedhjet, prandaj nëse nuk ke futur “feçkën” dhe ti, siç thonë Agaçi e Fuga, nise nga policia luftën kundër korrupsionit, duke verifikuar tenderët e blerjes, marrjes me qira dhe servisit të makinave të policisë, që i fiton ai “miku yt” dhe një mik-ortak i Luan Bregasit. Verifiko tenderët e uniformave të policëve, që i fiton vetëm daja i Taulant Ballës, me 3-fishin e çmimit dhe tenderët e këpucëve të policëve, që e fiton me 3-fishin e çmimit të tregut të lirë, “Madamë Mici” e shefit tenderëve të Shqipërisë, i cili është dhe Sekretar i Përgjithshëm i Ministrit Xhafaj, caktuar me “rekomandim” të Ëngjëll (Djall) Agaçit…/Pamfleti