PSG ka triumfuar në kryesfidën e javës së 14-të në Ligue 1 ndaj Lille, duke e mposhtur këtë të fundit me shifrat 2-0. Mauro Icardi ishte protagonisti kryesor për kryeqytetasit, me argjentinasin që shënoi golin e avantazhit në minutën e 17-të pas një pasimi të Gueye.
Në minutën e 31-të ishte një tjetër argjentinas që shënoi golin e dytë. Angel Di Maria mposhti porterin mik pas një kundërsulmi të PSG, duke dyfishuar shifrat. Pavarësisht lojës së mirë të Lille dhe përpjekjeve të tyre, parizienët arritën të administronin mjaft mirë deri në fund, duke iu gëzuar tri pikëve.
Kështu, PSG vijon udhëheqjen, madje nis shkëputjen në renditje, ku kryeson me 33 pikë pas 14 javësh, plot 11 më shumë se ndjekësit më të afërt të Marseille. Ndërkohë, Lille qëndron në vendin e shtatë në kuotën e 19 pikëve.
