Juventusi ka barazuar në shtëpi me Genoan me rezultatin 1-1. “Zonjës së Vjetër” nuk i ka mjaftuar goli i Cristiano Ronaldos. Portugezi ka shënuar në mënyrë të thjeshtë, pasi i dolit topi para porte. Sulmuesi shënoi në minutën e 18′.
Pjesa e parë u mbyll me atë rezultat. Në pjesën e dytë ekipi mik barazoi me anë të Bessa. Rrjeta që heshti tifozët juventinë u shënua në minutën e 67′. Hutim në mbrojtje nga një korne dhe topi shkon pas shpinës së mbrojtjes dhe përfundon në rrjetë.