Milani fitoi me shumë vuajtje ndaj Parmas me rezultatin 2-1 në “San Siro”. Ekipi i Genaro Gattusos ka një dashuri të madhe për përmbysjen dhe të bën gjithmonë me zemër.
Pjesa e parë u mbyll 0-0, por në të dytën ishin miqtë që arritën të kalonin të parët në avantazh me anë të Ingleses në minutën e 50′.
Goli zgjoi “djallin” që gjeti barazimin me Cutronen pas 5 minutash. I riu duket se është abonuar me golin.
Fitorja erdhi nga këmbët e Kessie. Afrikani ktheu në gol një penallti në minutën e 71′. Deri në fund nuk u shënua asnjë rast tjetër dhe Milani arriti të merrte 3 pikë shumë të rëndësishme.