Koronavirusi ka marrë thuajse 1.86 milionë jetë njerëzish deri më sot dhe nuk dihet ende sa do të marrë deri me sigurimin e imunizimit përmes vaksinës anti-Covid.
Por edhe për ata që ja kanë dalë me sukses ndaj virusit, apo që nuk janë prekur fare, situata nuk duket aspak e mirë.
Sipas Shoqatës Amerikane të Shëndetit Publik, në muajt e ardhshëm bota do ta gjejë veten duke u marrë me një urgjencë të re, më të hollë dhe më pak të trajtueshme.
Kjo është, sindroma e stresit pas bllokimit.
“Jeta ishte stresuese para pandemisë, por sfidat e reja kontribuan në një barrë shtesë – shkruan CNN.
“Edukimi virtual në shtëpi, siguria, vështirësitë financiare, puna në distancë, bombardimi me lajme, përballimi i sëmundjes, humbja e njerëzve të afërm dhe izolimi, të gjitha këto kanë shkaktuar një tendosje të sistemit tonë psikologjik. Shumë fëmijë dhe adoleshentë kanë humbur mundësi të rëndësishme për zhvillimin shoqëror. “Trauma kolektive” që njerëzit po përjetojnë “kontribuon në rritjen e ankthit, depresionit dhe faktorëve të tjerë të shëndetit mendor që shoqërohen zakonisht me çrregullime të ngrënies”, tha Chelsea Kronengold, menaxher i komunikimit për Shoqatën Kombëtare të Çrregullimeve të Ushqimit.
Zgjidhja për këtë ‘murtajë të re’ dhe të ardhshme mund të jetë e vështirë për t’u gjetur, por ndërkohë diçka mund të bëhet menjëherë.
CNN ofron disa këshilla për mirëqenien, të cilat mund t’i vini në praktikë menjëherë:
1) kaloni kohë jashtë sa më shumë të jetë e mundur;
2) kurrë mos e humbni kontaktin me miqtë dhe të afërmit: edhe ai virtual është mirë;
3) flini 8 orë (gjatë natës)dhe hani në kohë të rregullta.
Pastaj, së shpejti ne mund të dalim përsëri dhe gjithçka, ose pothuajse gjithçka, do të jetë më e lehtë.
