Partia Demokratike ka mbledhur grupin pasditen e sotme, pas protestës në Rrugën e Kombit, dhe arrestimit të prostestuesve.
Burime nga PD sqarojnë se opozoita do të mbështesë mosbindjen civile të qytetarëve për të mos paguar tarifat e larta në Rrugën e Kombit.
Mësohet se PD po diskuton për të nisur protestat masive popullore. Në mbledhjen e sotme të grupit të PD pritet të vendoset edhe data e protestës.
Mirëpo Lulzim Basha dhe Sali Berisha kanë harruar se asnjë gjykatë shqiptare nuk është shprehur me vendim mbi fajësinë apo pafajësinë e tyre. Dosja Durrës-Kukës është ende e pa shqyrtuar. Po çfarë ka ndodhur me paratë e hedhura për ndërtimin e Rrugës së Kombit?
Ka një raport të Kontrollit të Lartë të Shtetit, i cili konstaton vjedhjen e 230 milionë eurove me firmën e Lulzim Bashës. Sipas raportit të KLSH, vjedhja e parave është bërë me fatura fiktive, me rritje të kostove vetëm në letër, me tatimin mbi të ardhurat, me pagesa për punë të pakryera.