Sekretari për çështjet ligjore në PD, Çlirim Gjata deklaron se Voltana Ademi kryetarja e Bashkisë Shkodër do të mbetet në detyrë deri në ardhjen e kryetarit të ri të Bashkisë. Ky përfundim sipas tij, vjen pas situatës së krijuar me Valdrin Pjetrin i dalë nga votimi i 30 qershorit.
I ftuar në një emision televiziv, Gjata ka thënë se çështja kryesore nuk është Valdrin Pjetri, por Rama. Ai ka thënë se Rama e ka ditur për Pjetin njësoj siç e dinte për Saimir Tahirin apo edhe për Vangjush Dakon.
Ai ka thënë se Valsrin Pjetri nuk ka qenë kurrë kryetar dhje se nuk është betuar si i tillë, për pasojë është shprehur ai, Voltana Ademi duhet të qëndrojë në krye të Bashkisë me të drejtën e ligjit deri sa të ketë zgjedhjet të lira e të ndershme.
“Po nuk iku Rama, është si një gjendje që prodhon kancer, vetëm zullume, vetëm probleme.Nëse Prokuroria konfirmon dënimin për Pjetrin, do kalojë në KQZ dhe do shkarkohet. Pashë Zotin, mendon se nuk e di Rama këtë çështje? Apo të Vangjush Dakos, që u izolua nga SHBA, apo të Saimir Tahirit.
Zor i madh të gjesh një vendim gjykate sot. Prokuroria nuk e ka verifikuar, sepse ditën e parë që ka ardhur në detyrë Arta Marku, hoqi nga detyra drejtorin për dekriminalizimin”, tha Gjata.
Ai theksoi se Ademi do qëndrojë, derisa të bëhen zgjedhje të lira e të ndershme.
“Pjetri nuk ka bërë detyrën, nuk është kryetar bashkie. Ai nuk mund të betohet, ndaj quhet sikur s’ka qenë kurrë, prandaj nuk mund të caktohet një datë për zgjedhje në Shkodër.
Do qëndrojë zonja Ademi në detyrë deri sa të bëhen zgjedhje të lira dhe të ndershme. Presidenti ka caktuar një datë më 13 tetor. Ne si PD kemi një problem shumë më të madh se një bashki e vendit. Pjetri nuk ka bërë ende betimin, ndaj nuk mund të llogaritet si kryetar. Ai nuk mund të betohet në këto rrethana, ndaj nuk quhet si i tillë e s’mund të ndërhyjë këshilli i ministrave as presidenti.
Zonja Ademi e ka në ligj që do qëndrojë në detyrë deri në ardhjen e kryetarit të ri nëpërmjet zgjedhjeve të lira e të ndershme. Është e detyruar deri sa të vijë tjetri”, theksoi Gjata.
Ai deklaroi se opozita do të vazhdojë protestat në shtator.
