Vrasjet mafioze tmerrojnë politikanët, i kërkojnë Sandër Lleshit të bëjë ndryshimin drastik, pr.ligji së shpejti në Kuvend

Vrasjet mafioze tmerrojnë politikanët, i kërkojnë Sandër Lleshit të bëjë ndryshimin drastik, pr.ligji së shpejti në Kuvend

Kryeministri, ministrat dhe krerët e institucioneve i kanë kërkuar zv.ministrit të Brendshëm, që ka kompetencat e ministrit, Sandër Lleshit, ndryshimin e truprojave, për t’i zëvendësuar me truproja më të përgatitura dhe të besueshme

Larja e hesapeve mes bandave më të rrezikshme mafioze në Shqipëri për pazaret e drogës dhe luftën për kapjen e tregut të bixhozit ka tmerruar pushtetarët shqiptarë.

Këta të fundit janë të frikësuar në palcë, pasi kanë ndërhyrë me ligje dhe me forma të tjera, duke favorizuar një bandë dhe nxjerrë jashtë lojë një tjetër. Vrasja mafioze e kapos së Vlorës, Edison Harizaj, disa ditë më parë është lexuar si një mesazh i qartë për politikanët.

Kryeministri, ministrat dhe krerët e institucioneve i kanë kërkuar zv.ministrit të Brendshëm, që ka kompetencat e ministrit, Sandër Lleshit, ndryshimin e truprojave, për t’i zëvendësuar me truproja më të përgatitura dhe të besueshme.

Ata i kanë kërkuar ministrit të komanduar të hartojë një projektligj të ri për ruajtjen dhe sigurinë e jetës së personaliteteve të larta shtetërore. Sipas burimeve, projektligji do të paraqitet shumë shpejt në Kuvend.

Projektligji përcakton ngritjen e një trupe elitë vetëm për mbrojtjen e pushtetarëve nga bandat, pas lojës së rrezikshme për kapjen e tregut të bixhozit dhe ndërhyrjes në linjën e trafikut të kokainës. Kjo trupë do të stërvitet dhe trajtohet me metoda speciale./Pamfleti

Loading...
error: Ndalohet ribotimi i artikullit! E drejta e autorit pamfleti.net.
WhatsApp Denonco tek Pamfleti