Kanë reaguar familjet e studentëve dhe shqiptarët, pas karshillkut, kapadaillkët e presionit të kryeministrit të mbytyr e atrofizuar nga krimi dhe korrupsioni, për shtypje të protestës me dhunë, duke i kërcënuar si Hekuran Isai në dhjetor 1990: – ”Kush do revolucion, le ta provojë”. Dhe shqiptarët kanë vendosur ta provojnë…
Vështirësia e Edi Ramës dhe dështimi i misionarëve të tij “agaçër e fuga”, për të manipuluar e shuar lëvizjen studentore, me lajka, mashtrime, premtime boshe e zgjidhje “supe”, ka shkaktuar aq tronditje të rëndë psikike tek kryeministri, sa pas refuzimit të studentëve për dialog, ai ka bërë këcënimin model diktatorësh: – “”Kush do revolucion, le ta provojë”, që do të thotë “dhunë fizike”.
Pas refuzimit të kryeministrit, për t’ua plotësuar këkesat, që zgjidhen brenda 1 ore me urdhër administrativ, kanë reaguar familjet e studentëve dhe grupe të tjerë sociale nga profesione të ndryshme, të cilët, kanë protestuar shpesh në këto 15 vitet e fundit, por qeveritë blu, mavi e të kuqe, i kanë shpërfillur kërkesat e tyre jetike, duke i shpëndarë edhe me dhunë policore.
Duket sikur punët, po marrin rrjedhën, si në pikënisjen e protestës kundër regjimit “Berisha-97”, për vetë faktin, se shqiptarët po masakohen me ligje, urdhëra, çmime, taksa e tarifa të shumta dhe nuk marrin asnjë shërbim.
Shqiptarët po përballen me një administratë shtetërore familjare, me parlament e presidencë kriminale, hipoteka, universitete, komision pronash, ALUIZNI, gjykata e prokurori, me vendime e PPP, që po zhvasin njrëzit dhe pasuritë kombëtare, realitet tragjik, që më në fund duket se ka derdhur kupën dhe ka rindezur rebelimin popullor.
Sipas burimeve që ka “PAMFLETI” nga disa qytete kryesore, thuhet së të zgjuar nga protesta studentore, në shumë qytete, kanë nisur lëvizjet sociale, për të organizuar një protestë paqësore mbarëpopullore, por paralizuese për jetën e vendit, me manifestim nga qytete dhe marshim drejt Tiranës, me një kërkesë të vetme: “Largim nga drejtimi i Shqipërisë, i klikës së përbashkët mafioze PS, PD, LSI dhe bishtrave tyre.
Pas karshillikut, kapadaillëkut e presionit të kryeministrit të mbytur e atrofizuar nga krimi dhe korrupsioni, për shtypje të protestës edhe me dhunë, duke i kërcënuar: – ”Kush do revolucion, le ta provojë”, do të nis marshimi drejt Tiranës, i familjarëve të studentëve dhe 13 grupeve sociale, për t’u bërë pjesë e protestës së studentore.
Ja 13 grupet sociale, me mbi 300 mijë protestues, që po organizojnë protesta në qytete dhe marshim popullor drejt Tiranës, me moton: ““Largim nga drejtimi i Shqipërisë, i klikës së përbashkët mafioze PS, PD, LSI”