Kosova po merr goditje të fortë nga një numër i madh i shteteve të Bashkimit Evropian në fazën e fundit të procesit të liberalizimit të vizave.
Shumë shtete të Be-së po kundërshtojnë heqjen e vizave për Kosovën, lajmi është bërë i ditur nga takimet e mbajtura së fundi në Bruksel.
Gjithashtu edhe ministrja e Integrimit Evropian, Dhurata Hoxha, ditë më parë, ka bërë të ditur se vendimi për heqjen e vizave mund të mos merret këtë vit.
Ndërkohë qytetarët e Kosovës kanë shpresuar që këtë vit të paktën të merret vendimi për liberalizimin e vizave për zonën Schengen.
Procesi i vendimmarrjes në kuadër të Bashkimit Evropian është bllokuar për shkak të hezitimit të shumë shteteve anëtare të këtij unioni.
Në takimin e fundit të mbajtur nga ambasadorët e shteteve anëtare të Bashkimit Evropian, i njohur si COREPE, është dëshmuar se 12 ose 13 shtete të BE-së ende hezitojnë ta mbështesin një vendim të tillë.
