Presidenti i Republikës Ilir Meta dhe kryeministri Edi Rama ndodhen sot në Vlorë për 109-vjetorin e Pavarësisë së Shqipërisë. Meta e Rama kanë marrë pjesë në ceremoninë e ngritjes së flamurit, teksa më pas kanë zhvilluar homazhe dhe kanë vendosur kurora me lule në monumentin e Pavarësisë.
Gjithashtu në kuadër të Ditës së Flamurit në Vlorë ndodhet edhe kryetarja e Kuvendit, Lindita Nikolla.
Mësohet se disa aktivitete janë parashikuar të mbahen gjatë ditës së sotme me rastin e 28 nëntorit Ditës së Flamurit.
Ndërkaq pas ngritjes së flamurit presidenti Meta, kryeministri Rama, së bashku me kryetaren e Kuvendit dhe kryetarin e Bashkisë së Vlorës, Dritan Leli kanë kryer ritet e kësaj ceremonie, për pavarësinë e vendit.
