Një 16-vjeçar ka vdekur në bjeshkët e Junikut.
Zëdhënësi i Policisë për rajonin e Pejës, Fadil Gashi, ka njoftuar për Pamfletin se ekipet mjekësore e kanë konstatuar vdekjen e viktimës, ndërsa trupi i pajetë është dërguar në Institutin e Mjekësisë Ligjore për obduksion.
“Ekipet kanë dalë në vendin e ngjarjes, rasti është iniciuar si ‘hetim i vdekjes’”, deklaroi Gashi.
Pamfleti ka mësuar se bëhet fjalë për të riun Dilon Ramqaj, i cili e humbi jetën tragjikisht te ajo që njihet si Gropa e Erenikut.
Diloni bashkë me disa persona të tjerë ishin duke punuar në atë zonë, kur viktima ka pasur kontakt me rrymën për shkak të problemeve me energji elektrike.