Fondi i garancisë prej 200 milion euro që qeveria i ka dhënë Operatorit të Shpërndarjes së Energjisë Elektrike për të përballuar krizën energjitike do të përdoret për nevojat që do të ketë Shqipëria për periudhën e importitit të energjisë. –kështu është shprehur ndër të tjera ministrja e Ekonomisë dhe Financave, Delina Ibrahimaj
E ftuar në emisionin ‘Kjo Javë’, Ibrahimaj tha se një pjesë do të përdoret për periudhën e fundit të 2021 dhe pjesa tjetër në vitin e ardhshëm.
“Mbështetja që është anuncuar nga kryeministri pak se një javë më parë parashikohet që të arrijë në total vlerën 200 milionë euro. Sigurisht që kjo vlerë do të jepet për importet të energjisë elektrike dhe do të jetë e kushtëzuar me nevojat që Shqipëria do të ketë për të importuar energji. Nuk është një krizë vetëm e çmimeve por është një krizë dhe e ofertës së energjisë elektrike dhe për këtë arsye ishte e nevojshme që ne të merrnim masa që të garantonim likuiditetin e duhur për të blerë energji pasi aty është një treg ndërkombëtar dhe gjithcka varet nga mundësia e financimit të këtyre lëvizjeve.”- u shpreh Ibrahimaj.
