Shkruar nga Pamfleti
Ministri i Drejtësisë, Ulsi Manja foli sot në një konferencë për shtyp, lidhur me protestën e 21 janarit dhe vrasjen e 4 protestuesve, duke e quajtur atë një krim shtetëror.
12 vjet nga 4 vrasjet në Bulevardin Dëshmorët e Kombit, Manja nxit drejtësinë për hetime në mënyrë që siç u shpreh ai, të vendoset në vend drejtësia e munguar.
Ai kërkoi që dosja e 21 janarit ti kalojë SPAK-ut, në mënyrë që të hetohet dhe ti jepet fund pandëshkueshmerisë, duke shtuar se çështja e 21 janari është sprova më e madhe e drejtësisë së re.
“Ngrihet pyetja ku është drejtësia. Cfarë bëhet me këtë krim? Po Rama, PS, ku janë? Ka plot njerëz që thonë se pushteti i PS nuk e do dënimin. Por PS e Rama iu ka dhënë përgjigje me kohë këtyre pytjeve. Jemi në anën e drejtësisë. 12 vjet përshpirtje dhe përkujtim të dëshmorëve të Demokracisë, janë një kambanë ulëritëse për drejtësinë e re. 21 janari është krim shtetëror, akt terrorist I shtetit mbi qytetarët e tij. Kushdo që përpiqet ta justifikojë si lojë pushteti kryen krim mbi drejtësinë. Si ministër i Drejtësisë në emër të qytetarëve dhe interesit më të lartë public e kam për detyrë të ngre zërin.
Dosja e vrasjes së Aleks Nikës, Dedës, Ziver Veizit e Myrtajt, nuk është nuk mund të konsiderohet e hetuar. Kjo dosje s’mund të mbetet peng në Prokurorinë e Tiranës, kjo dosje nuk duhet të vijojë të bëjë pink pongun e radhës, sa te një prokuror te tjetri. Nën dritën e kësaj prove të re dhe të tjera që priten duhet të ishte transferuar në SPAK, që në ditën një të krijimit të SPAK si sprovë themeli për integritetin e kësaj structure për tu hetuar si krim shtetëror. Dhe për t’i dhënë fund pandëshkueshmërisë. Nuk bëj prokurorin dhe nuk ndërhyj te drejtësia, por e kam për detyrë të kërkoj hetimin e të drejtës dhe hetimin në emër të rivendosjes së drejtësisë së shkelur.
Koha është tani, për drejtësisë e re kjo është sprova më e madhe. Drejtësia për 21 janarin është mesazhi më I mirë që mund të vijë për brezat e rinj
21 janari kërkon që drejtësia e re të bëjë detyrën, të përmbushë misionin e vet të bëjë drejtësinë e munguar për 21 janarin,” tha Manja.
