Toka shënoi më 29 qershor ditën më të shkurtër ndonjëherë këtë verë. Pse?
Për shkak të lëkundjes së boshtit të saj, që do të thotë se ajo bëri një rrotullim/ fraksion sekonde në më pak se 24 orë. Kështu, 29 qershori ishte 1.59 milisekonda më i shkurtër se të gjitha ditët e tjera.
Në dekadat e fundit, Toka ka më shumë gjasa të ngadalësohet, duke dhënë ditë pak më të gjata. Por në vitet e fundit, kjo tendencë është përmbysur dhe ditët po bëhen gjithnjë e më të shkurtra. Nëse Toka vazhdon të përshpejtohet, kjo mund të çojë në kërkesën e parë për të zbritur një sekondë nga ora atomike. Nuk është e pazakontë që planeti ynë të lëkundet, raporton business-standard.
Rrotullimi që ne përjetojmë si natë dhe ditë nuk ndodh gjithmonë saktësisht në përputhje me boshtin e tij, vijën midis poleve veriore dhe jugore. Kjo për shkak se nuk është një sferë precize.
Profesor Leonid Zotov beson se Toka rrotullohet më shpejt për shkak të një lëvizjeje periodike të quajtur lëkundje e Chandler, raporton BusinessInsider.
Lëkundjet u vunë re për herë të parë në fund të viteve 1880, kur astronomi Seth Carlo Chandler vuri re se polet lëkunden gjatë një periudhe prej 14 muajsh.
Kjo luhatje filloi të ngadalësohej në fillim të viteve 2000, duke arritur nivelet më të ulëta historike që nga viti 2017, vetëm për t’u zhdukur midis 2017 dhe 2020.
