Sot mbushen plot 4 vjet, nga dita kur Komisioni Evropian i tha ‘po’ për herë të dytë Kosovës, por vetëm në parim, pasi konfirmoi se i kishte përmbushur kushtet e vëna nga Brukseli. Por sot e kësja dite, qytetarët e Kosovës janë më të izoluar se kurrë, pasi vizat nuk janë liberalizuar.
E me të drejtë, sot, Kryeministri Albin Kurti, teksa ka përkujtuar këtë fakt, drejton gishtin nga fajtori.
Ai i vë përballë Brukselit, as më shumë e as më pak, sesa vet Brukselin, duke i publikuar dy qëndrimet e fundit të KE-së, atë të vitit 2016 dhe 2018, ku thuhej se Kosova i ka përmbushur të gjitha kriteret për liberalizimin e vizave.
“Sot mbushen 4 vjet, kur Komisioni Europian konfirmoi për herë të dytë, se Kosova i përmbush të gjitha kriteret për liberalizimin e vizave. Ne jemi vendi më demokratik dhe pro-BE në Ballkanin Perëndimor, por më i izoluari”, thotë Kurti.
E sa kohë vetë BE e pranon prej shumë kohësh tashmë, që kushtet janë përmbushur, por liberalizim vizash nuk ka, atëherë dëshmohet edhe një herë tjetër, ‘uji i turbullt në të cilin noton vetë Unioni sot’.
E meqënëse i kanë tejkaluar të gjitha limitet, Kurti apelon BE-në të përmbushë shpresat e qytetarëve të tij, përmes vendosmërisë e solidaritetit.
Shteti më skeptik vazhdon të jetë Franca, e jo në pak raste, Presidenti i saj Emmanuel Macron është quajtur pengesa kryesore që po mban të ilozuar Popullin e Kosovës, por njëjtë nuk veporon aspak me Serbinë. Pikë kjo, që ka hedhur në dritë shpesh shumë dyshime mbi qëllimet dhe qasjet e vërteta përtej asaj që thuhet në poublik, në raport me Serbinë e Kosovën.
Ajo që nuk kuptohet, është se sot e kësaj dite, të gjithë zërat nga Brukseli pranojnë padrejtësinë për liberalizimin e vizave dhe ende nuk e ndërmarrin këtë hap.
Dhe në fund, paradoksi: Shteti më i izoluar mbahet pikërisht Shteti më proamerikan dhe evropian në botë.