Politike 2 Maj 2022, 19:24

400 delegatë refuzuan Kuvendin e Berishës, Këlliçi: Po i japim fund hipokrizisë së dikurshme, ne jemi realistë

Shkruar nga Pamfleti
400 delegatë refuzuan Kuvendin e Berishës, Këlliçi: Po i

Deputeti demokrat, Belind Këlliçi, deklaroi se Kuvendi i 30 Prillit tregoi përbërjen reale të Partisë Demokratike, gjë e cila sipas tij u reflektua edhe në ulëset e sallës së Pallatit të Kongreseve. Edhe pse 400 delegatë e refuzuan Kuvendin, ai tha se ata e pranojnë realitetin dhe nuk janë si Basha që manipulonte numrat.

Ai solli në vëmendje rezolutën e miratuar, ku kërkohet një vëmendje më e madhe për financimet përmes kanaleve Off-shore të PD-së. Në “Report Tv”, Këlliçi tha se ishte pikërisht lobimi i Bashës në SHBA me ato që quhen “paratë ruse” shënoi prishjen e marrëdhënieve me SHBA-të.

Për herë të parë në 30 Prill ka ndodhur që ishin 200-250 karrige bosh. Sepse aq ishin delegatët realë. Kjo shërben se më në fund po i japim fund hipokrizisë dhe po dalim nga ai rreth vicioz. Në atë sallë ditën e shtunë kanë qenë delegatë të PD-së dhe njerëz të ftuar nga bota e artit, kulturës etj. Ka një shqetësim sepse kemi pasur një precedim nëpërmjet kanaleve off-shore, siç është rasti ish-kryetarit të PD. Dhe pikërisht kjo nisi lëkundjen e marrëdhënieve me SHBA-të. Për këtë, Kuvendi i fundit miratoi një rezolutë ku dënon edhe djegien e mandateve. Deri në vitin 2025, I gjithë lidershipi i ri i PD-së duhet të përfshijë 40% gratë dhe 30% të rinj në të gjitha strukturat për të krijuar një sistem karriere”, tha ai.

Deputeti demokrat ktheu në vëmendje edhe një zhvillim të muajit tetor 2021. Ai tha se një nga komisionet hetimore të miratuara atëherë ishte ai për zgjedhjet e 25 prillit. Por që sipas Këlliçit, ky komision me në krye Enkelejd Alibeajn s’u mblodh kurrë. “Në muajin tetor PD ngriti tre komisione hetimore, ku një prej tyre ishte ai për masakrën zgjedhorë dhe në krye të tij u vendos Enkelejd Alibeaj. A keni më informacion se çfarë u bë me këtë komision?” tha Këlliçi.

Politike Berisha kellici PD