Aktualitet17 Maj 2022, 13:44

"5 veta punojnë dhe të tjerët fshihen", Olsian Çela: Prokuroria e Tiranës më e dobëta në seksionin e pastrimit të parave

Shkruar nga Pamfleti
"5 veta punojnë dhe të tjerët fshihen", Olsian

Kryeprokurori Olsian Çela

Kryeprokurori Olsian Çela ditën e sotme ka raportuar në Kuvend për problematikat e Prokurorisë.

Çela tha se problem kryesor është pastrimi i parave dhe shtoi se prokuroritë nuk po hetojnë. Sipas tij prokuroria më e dobët në këtë seksion është prokuroria më e madhe në vend, Tirana.

“Ne ligjet i kemi shumë të mira. Problemi jonë është zbatimi. Policia gjyqësore. OPGJ nuk kishte asnjë të dhënë. Grupi i kontrollit ka qëndruar nga 6 muaj deri në një vit për të gjetur dosjen. Kemi bërë maksimumin. Kemi nxitur në çdo mbledhje. U kam kërkuar kontroll Policisë Gjyqësore. Dhe prokurorët raportojnë dhe kërkojnë masa për ta. Ajo që ne kemi menduar dhe jemi në kontakt me ekspertë. Ne do kemi mundësinë tani të kemi një prokuror dhe një OPGJ.

Nuk mund të fshihen më prokurorët pas justifikimeve ku 5 veta punojnë dhe të tjerët fshihen. Ky do ketë indikator i mirë për ne për të kuptuar ku janë shqetësime. Si ka mundësi që asnjë drejtues prokurorie nuk ka sjellë sot asnjë rast. Pse ndodh kjo? Ndoshta ka diçka që duhet plotësuar. Prokurori i Përgjithshëm e ka bërë plotësisht detyrën e tij në këtë drejtim. Politika penale. Ne kemi prioritet pastrimin e parave. Prokurori i përgjithshëm mori përsipër për këtë aspekt. Pastrimi i parave jam dakord. Çfarë ndodh sot në Shqipëri.

Nga ndërtohen këto që ndërtohen. Unë e kam shprehur këtë shqetësim. Sa referime ka sot nga drejtoria e tatimeve për seksionet e prokurorisë që merren me pastrimin e parave. Prokurori i Përgjithshëm mund të bëjë strukturën por heton. Prokuroria më e dobët në seksionin e pastrimit të parave është prokuroria më e madhe në vend (Tirana). Ky është problem. Duhet ta themi. Performon prokuroria e Fierit dhe Durrësit”, ka deklaruar Olsian Çela.

Aktualitet #Olsian Çela#Pastrim parash #Tirana