Shkruar nga Pamfleti
A duhet të kandidojë sërish Lulzim Basha? Salianji: Do të ishte turpërim!
Deputeti demokrat Ervin Salianji, ka përjashtuar mundësinë e një rikthimi të Lulzim Bashës në krye të Partisë Demokratike.
Për “Radari Informativ”, në Abc, Salianji tha se nëse Basha do të kishte në plan të kandidonte për kreun e PD-së ky do të ishte një turpërim për të.
Pjesë nga diskutimi:
Xhokaxhi: A duhet të kandidojë sërish Lulzim Basha?
Salianji: Në logjikën time Jo. Me aq sa kam punuar me të, këshilla ime do të ishte se ky është turpërim.
Xhokaxhi: Sali Berisha në krye të PD, a e shihni si kryeministër?
Salianji: Unë po e them edhe njëherë se është momenti për bashkim, por mendoj se zoti Berisha duhet t’i lërë hapësirë dikujt tjetër që të çojë partinë përpara.
