Lufta Ukrainë-Rusi vazhdon prej muajsh. Evropa dhe SHBA-ja po bëjnë të pamundurën që bindin presidentin rus të heqë dorë nga lufta, por deri më tani nuk kanë arritur ta bindin.
Por a është viktima e vetme e Putin, Ukraina?
Bombardimet ruse të infrastrukturës energjetike të Ukrainës kanë pasur “pasoja të menjëhershme për Moldavinë”, ka thënë një analist politik një instituti të lidhur me Ushtrinë Britanike.
Dionis Cenuşa, tha se presioni mbi Moldavinë po intensifikohen, ndërkohë që lufta vazhdon. Ai theksoi se fqinjët e Ukrainës, kanë marrë deri në 30 për qind të energjisë elektrike, nga furnizimet ukrainase por eksportet janë pezulluar.
Cenuşa shtoi: “Përveç efekteve kolaterale ndaj të cilave Moldavia është e ekspozuar për shkak të agresionit rus kundër infrastrukturës energjetike të Ukrainës, Moska po shfrytëzon kushtet rreth furnizimit të gazit natyror”.
Duke pasur parasysh varësinë e Moldavisë, jo vetëm nga gazi rus por edhe nga energjia elektrike, situta mbetet problematike.
Si fillim, duke përmendur problemet e supozuara në lidhje me transportin e gazit përmes Ukrainës, Gazprom uli vëllimin e dërgesave në Moldavi me 30% në 5.7 milion m3 në ditë. Kjo përbën 70% të gazit të kontraktuar nga operatori moldav i gazit Moldovagaz.
Ai shtoi: “Agresioni kundër Ukrainës gjithashtu synon në mënyrë indirekte Moldavinë, e cila është bërë kështu një viktimë kolaterale”.
Përveç kësaj, Rusia po përfiton nga sektori i energjisë për të ushtruar presion mbi autoritetet moldave, të cilat përballen me dilema serioze për shkak të varësisë së tyre të dyfishtë nga gazi rus dhe energjia elektrike e furnizuar nga Transnistria.
Ambiciet e Vladimir Putinit, kanë të bëjnë me një Rusi më të madhe, e cila duhet të përfshijë të gjithë Moldavinë. Prandaj do të ishte një lëvizje e kujdesshme që Perëndimi të fillonte që tani përgatitjet për të ndihmuar në mbrojtjen e këtij vendi, për të mos përsëritur gabimin e bërë në Gjeorgji apo Ukrainë, kur u prit që Rusia të pushtonte përpara se të reagonte. /Sky News
