Pas dënimit të Llallës nga shkalla e parë, Ilir Meta zhvilloi një vizitë urgjente në Hungari. Nëse pjesa tjetër e delegacionit u kthye brenda ditës, Ilir Meta dhe Monika Kryemadhi qëndruan tre ditë. Meta u përfol se ka shkuar për vizitë edhe tek vila në të cilën Orban ka strehuar Gruevskin.
Ish-kryeprokurori Adriatik Llalla u arratis nga Shqipëria disa ditë para dënimit me vendim të formës së prerë për fshehje pasurie të krijuara me para të pista.
Për t’i shpëtuar burgut, Llalla është parë fillimisht në Romë, por ai nuk mund të qëndrojë në një vend me të cilin Shqipëria ka marrëveshje ekstradimi, pasi rrezikon të kthehet me pranga në duar në Rinas brenda disa javëve. Destinacioni i Llallës është pikërisht Hungaria, e cila nën drejtimin despotit Viktor Orban është kthyer në strehën e pushtetatëve dhe ish pushtetarëve të korruptuar të Ballkanit. I kthyer në delen e zezë të Perëndimit, Orban strehon çdo pushtetar që dënohet për korrupsion në Ballkan, për ta shpëtuar nga burgu. Në vitin 2018, Orban strehoi ish-kryeministrin e Maqedonisë, Nikola Gruevski, i dënuar me 2 vite burg për korrupsion.
“Tani jam në Budapest dhe kërkova azil politik nga autoritetet hungareze”, shkroi Nikolla Gruevski në faqen e ti personale në Facebook pasi u arratis në Hungari. Gruevski u arratis përmes Shqipërisë i ndihmuar nga miku i tij në punët e zeza, Ilir Meta. Jo rastësisht, Gruevski dhe Orban kanë lidhje të forta me binomin famëkeq të Shqipërisë, Ilir Metën dhe Sali Berishën.
Po kush kush ka negociuar me Voktor Orban për strehimin e Adriatik Llallës në Hungari para se të dënohej për korrupsion?!
Të gjitha dyshimet bien mbi Ilir Metën, kokën e korrupsionit dhe krimit në Shqipëri, simbolin e mosndëshkimit, frontit kundër reformës në Drejtësi dhe linjës anti-SHBA në Shqipëri. Ilir Meta është i dyshuari kryesor për ndërhyrje dhe pazare për të strehuar Llallën, në këmbim të mbylljes së gojës nga Llalla.
Adriatik Llalla ishte ushtari më i besuar i Ilir Metës dhe Sali Berishës, të cilët gjatë vitit 2008-2012 e vendosën si roje e pasurive të korrupsionit të pushtetarëve të Shqipërisë.
Në vitin 2012 deri në 2017, e emëruan kryeprokuror për të mbuluar dhe mbyllur dosjet e korrupsionit në kupolës politike. Kjo ishte edhe arsyeja se pse Shtetet e Bashkuara të Amerikës e shpallën ‘non grata’ Adriatik Llallën në shkurt të vitit 2018.
Ilir Meta dhe Sali Berisha nuk patën fuqi për ta shpëtuar nga dënimi ushtarin e tyre, të cilën e përdorën si kamikaz në luftën kundër SHBA. Por, Ilir Meta dyshohet se është agazhuar tek miku i tij Viktor Orban, për ta strehuar Llallën në Budapest, vend ku nuk njihet ekstradimi. Pas dënimit të Llallës nga shkalla e parë, Ilir Meta zhvilloi një vizitë urgjente në Hungari. Nëse pjesa tjetër e delegacionit u kthye brenda ditës, Ilir Meta dhe Monika Kryemadhi qëndruan tre ditë. Meta u përfol se ka shkuar për vizitë edhe tek vila në të cilën Orban ka strehuar Gruevskin. Nga ana tjetër, Meta nuk i fshehu takimet kokë më kokë me kryeministrin e Hungarisë, Viktor Orban, shëtitjet dhe vizitat së bashku nëpër skuta të Budapestit./Pamfleti
