Analisti Frrok Çupi ka paralajmëruar trazira nga dyshja Meta-Berisha. Duke folur në një emision, ai u shpreh se i trembet protestës së 7 korrikut dhe rikthimit të Metës, duke hequr një paralele me vitin 1997 dhe trazirat e mëpasshme që solli Berisha.
Nga ana tjetër ai është ndalur dhe te ultimatumi amerikan, duke thënë se Biden ja u ka bërë të qartë Metës dhe Berishës se SHBA nuk do destabilimi. Madje Çupi ka hedhur hije dyshimi se ata mund të kenë lidhje dhe me rusët.
“A kam frikë? Po kam. Jam i sinqertë në atë që them. Kam frikë se e kam parë shumë keq Shqipërinë, kam përjetuar ’97 në Vlorë, në Fier në Gjirokastër, kam parë njerëz të vriten me njëri-tjetrin vetëm për të provuar nëse punonte kallashnikovi. Nuk më garanton asnjë njeri që vendi nuk kthehet prap në atë situatë. Papritur mund të ndodhë. Njeriu duhet të ketë frikë, njeriu mund të çmendet në një moment. Jemi mësuar në situata shumë të rënda. Më është dukur se Biden kur tha se duam t’i themi Rusisë se këtu në Ballkan jemi ne, më është dukur se po fliste me Berishën dhe Ilir Metën. Po u thoshte mos guxoni të shkaktoni më protesta”, tha Çupi.
Më tej gazetari ka plasur bombën. Ai ka thënë se dyshja Meta-Berisha mund të shkaktojnë dhe viktima për të gjetur alibi mbi skenarët destabilizues. Ai ka marrë si shembull një ndodhi në vitin 1991.
“Kam frikë se po të thyhet një xham tani shkakton trauma shumë të mëdha. Menjëherë pas ’91 unë emërohem drejtor i Qendrës Kulturore, dhe në atë kohë njerëzit e armatosur ishin shumë të egër. Dikush kishte qëlluar me armë në derën kryesore dhe kishte thyer xhamin. Më njoftuan natën. Kam shkuar kam njoftuar drejtorin e Pallatit të Kongreseve, kam gjetur xhamin dhe në orën 7 të mëngjesit xhami ka qenë i rregulluar. Pse? Sepse nëse në mëngjes xhami do të shihej i thyer, të jesh i sigurt se turmat do e shkatërronin. Këtë frikë kam unë se mos thyet ndonjë xham, se mos vritet ndonjë njeri sepse pastaj ne jemi në prag të një ndriçimi tonë”, th ai.
Sipas Çupit, Shqipëri kryeson Këshillin e Sigurimit në OKB dhe është anëtare e NATO-s, prandaj duhet të bëhet kujdes dhe të mos ketë kaos e shkatërrim.
