Presidenti Ilir Meta i ka konsideruar të mira raportet me SHBA-të, pavarësisht se disa nga zyrtarët amerikan të ardhur në Shqipëri nuk kanë përfshirë në axhendën e tyre takim me presidentin.
I ftuar në “Opinion”, Meta është shprehur se është i vetmi politikan që nuk i ka gënjyer SHBA, duke iu thënë çdo qëndrim në sy, ndryshe nga ata që paguajnë për të bërë foto me Presidentë apo ata që bashkëpunojnë me organet e huaja të drejtësisë për të zgjidhur- sipas tij- problemet e veta. Pyetjes së drejtpërdrejtë se nëse rrezikonte që të shpallej “non grata” nga SHBA, Meta iu përgjigj se nuk ka asnjë problem me ligjet në Amerikë dhe nuk ka bërë asgjë kundër Shqipërisë.
“Non grata? Mua më vjen për të qeshur me këtë çështje. Do të isha i zhgënjyer nëse nuk do të ndodhte sa kohë jam President. Ilir Meta nuk ka asnjë problem me ligjet në SHBA. Ilir Meta nuk ka paguar asnjëherë as në të bardhë, as në të zezë për të bërë foto me Presidentët e SHBA. Ilir Meta nuk ka qenë i detyruar të bëjë nonjë marrëveshje bashkëpunimi me organet e drejtësisë atje për të zgjidhur ndonjë çështje të vetën apo të kudo. Nëse të tjerët zgjedhin të flasin për Ilir Metën, Ilir Meta është i pastër. Ka zero probleme me SHBA.
Unë kam firmosur një marrëveshje ekstradimi të Shqipërisë me SHBA-të. Kanë një problem ato?! Të më thonë dhe unë shkoj ku të duan ata, ndaç te FBI-ja, te CIA, e paguaj vetë biletën, jo me taksat e popullit shqiptar. Të marrim me vete edhe Avokatin (Ngjelën), bashkë me ata torollakët që dalin nëpër banaqe, dhe vete atje Ilir Meta pa asnjë problem. T’mi ngrijnë asetet, llogaritë… Mua më vjen për të qeshur me të gjitha këto sepse ajo që keni parë në media, në një raport më të zhngritur, nuk është asgjë në krahasim me atë që iu është thënë në mënyrën më të ndershme, më të qetë apo edhe më të qartë kujdo…
Ilir Meta nuk i ka thënë dhe nuk i thotë kurrë nonjëherë SHBA-së që jeni ju pa jemi ne! Jo, i ka thënë unë jam në shërbim të Shqipërisë. Shqipëria është e para, janë 20 vende bosh, pastaj vini ju, vjen Italia, vjen Britania, Gjermania dhe këto vendet e tjera mike. Raportin me ju e kemi shumë të rëndësishëm, por raporti i parë dhe i shenjtë është për Shqipërinë. Bëj çdo gjë për ju, sepse kemi hyrë në NATO dhe ju na keni futur në NATO, pa asnjë diskutim, por nuk bëj asnjë gjë që lëndon Shqipërinë“- tha Meta.
Sipas Presidentit lajmet se ai mund të shpallet “non grata”, janë inskenime të grupeve të interesit të cilat kanë krijuar një sistem disinformimi që nuk pi ujë. “Këto janë banalizime të politikës shqiptarë, është një qëndër këtu shpërndan lajme, erdhi ky nuk takon Metën. Pse presidenti është i papunë.”- tha Meta.
“Ilir Meta ka një raport të parë dhe të shenjtë me Shqipërinë dhe nuk bën asnjë akt që lëndon Shqipërinë. Këtë unë ja u kam bërë të qartë të gjithëve. Ilir Meta, nuk ka bërë asnjë marrëveshje me institucionet në SHBA, për interesa personal të tij. Janë qarqe të ndryshme njerëzisht, të cilët kanë krijuar një sistem dezinformomi për Presidentin e Republikës për interesa të ndryshme të tyre. Unë nuk kam asnjë konflikt me SHBA-të, konfliktet janë krijuar nga gruaja e Bilalit. Ilir Meta nuk ka asnjë problem me Shtet e Bashkuara të Amerikës. Ilir Meta nuk ka paguar në të zezë për tu fotografuar me politikan të ndryshëm në Amerikë. Ilir Meta nuk i është dashur që të paguaj drejtësinë në Amerikë për të mbyllur çështje të drejtësisë. Ilir Meta ka firmosur marrëveshjen e ekstradimit me SHBA-të, nëse kjo gjë ka probleme jam i gatshëm të të përballem edhe atje dhe me çdo institucion tjetër. Ilir Meta, nuk ka bërë asnjë marrëveshje me institucionet në SHBA, për interesa personal të tij. Ilir Meta ka firmosur marrëveshjen e ekstradimit me SHBA-të, nëse kjo gjë ka probleme jam i gatshëm të të përballem edhe atje dhe me çdo institucion tjetër.”– tha Meta.
