Gjatë diskutimeve për zgjedhjen e presidentit të ri, kreu i Partisë Agrare Ambientaliste Agron Duka, duke iu drejtuar mazhorancës tha se ai vetë do të angazhohet për të mbledhur 20 firma, në mënyrë që të propozohet një kandidat. Më pas ai shtoi se, mazhoranca me shumë mundësi mund ta djegë si kandidaturë, por “zgjidhje tjetër nuk kemi”.
Duka tha se duhet të provojnë të flasin me emra për kreun e ri të shtetit dhe do ia lënë në dorë mazhorancës që të tregojë nëse i bënë raundet vetëm për të arritur ku donin vetë apo jo.
Nuk mungoi dhe batuta e tij me shifrat duke shkaktuar shumë të qeshura.
“Ne e paragjykojmë procesin. S’kemi asgjë në dorë, vetëm debatin kemi në dorë. Do gjejmë 20 firma t’i sjellim, prapë besoj do ta digjni, të paktën të kemi sy e faqe përballë publikut që të themi raundet e tjera bëjini vetë se s’vijmë fare. Popullit i duket sikur po bëjmë një gjë të madhe, prandaj po them që të mos tjerrim kaq gjatë, por t’i vijmë troç gjonave. Të jep llafin Taulant Balla, por këto e kanë nda mendjen. Hajde ta provojmë njëherë. Neve bëjmë 84 për ne nuk bëjnë, sa i bie shtatë dhe gjashtë, 8 veta i bëj dhe unë, por s’mund të shprehesh kështu. Unë mendoj se jemi përballë këtij fakti dhe të mos i lodhim njerëzit kaq shumë, duhet të gjejmë një njeri, ta çojmë dhe këto ta djegim”, u shpreh Duka.
