Një aksident i rëndë ka ndodhur mbrëmjen e sotme në aksin rrugor Levan-Vlorë.
Nga të dhënat paraprake bëhet me dije se një mjet tip “Covert” ka dalë nga rruga, dhe për pasojë ka ndërruar jetë drejtuesi i tij. Mësohet se, viktima është Dritan Shena, 53 vjeç, banues në Shkodër.
Ende nuk dihen rrethanat e plota të ngjarjes, ndërkaq sikurse shihet edhe në fotot e mëposhtme makina ka mbetur thuajse e shkatëruar plotësisht nga përplasja me mbrojtëset anësore, duke mos i dhënë mundësi 53-vjeçarit të mbijetojë.
“Sot rreth orës 22:00, në aksin rrugor Levan-Vlorë, ka dalë nga rruga automjeti tip “Covert” me drejtues shtetasin D. Sh., 53 vjeç, banues në Shkodër, i cili për pasojë ka ndërruar jetë.
Grupi hetimor po punon për zbardhjen e plotë të rrethanave të kësaj dalje nga rruga.”- thuhet në njoftimin e policisë.
