Kronike22 Maj 2022, 20:44

Aksident në aksin Lezhë-Shkodër, 1 i vdekur dhe 3 të plagosur

Shkruar nga Pamfleti
Aksident në aksin Lezhë-Shkodër, 1 i vdekur dhe 3 të

Foto ilustruese

Një tjetër person ka humbur jetën si pasojë e aksidenteve në vend.

Ngjarja tragjike ka ndodhur pak më parë në aksin Lezhë-Shkodër. Mësohet se një automjet ka dalë nga rruga dhe për pasojë ka mbetur i vdekur një person, ndërsa 3 të tjerë janë plagosur.

Sipas të dhënave viktima është identifikuar si Ikbale Kraja, 73 vjeç, teksa të plagosur janë A.B. 53 vjeç, A.B. 43 vjeçe dhe O.B.19 vjeçe.

Lidhur me ngjarjen reagoi edhe policia. “Rreth orës 20:00, në aksin rrugor Shkodër – Lezhë, në vendin e quajtur “Dajç”, shtetasja F.B. 20 vjeçe, banuese në Shkodër, duke drejtuar automjetin tip “Renault”, ka humbur kontrollin mbi drejtimin e tij duke dalë nga rruga. Për pasojë, ka ndërruar jetë shtetasi I.K. 73 vjeç, pasagjer në mjet, si dhe janë lënduar dhe ndodhen në Spitalin Rajonal Lezhë për mjekim edhe 3 pasagjerët e tjerë, shtetasit A.B. 53 vjeç, A.B. 43 vjeçe dhe O.B.19 vjeçe. Grupi hetimor vazhdon veprimet hetimore në vendin e ngjarjes për sqarimin e plotë të rrethanave të aksidentit“, njofton Policia.

Ditët e fundit aksidentet në vend kanë shkaktuar disa viktima dhe shumë të plagosur. Sot një 50-vjeçar u përplas për vdekje në aksin Vlorë-Fier, pasi u godit nga një makinë që drejtohej nga një 19-vjeçar. Ndërkohë 4 persona mbetën të plagosur rëndë në Ersekë, pasi makina doli nga rruga.

Kronike aksident Lezhe