Gjykata e Posaçme e Shkallës e Parë për Korrupsionin dhe Krimin e Organizuar ka kthyer në SPAK dosjen në ngarkim të ish-gjyqtarit të Kushtetueses, Fatos Lulo.
Vendimi u mor ditën e sotme (16 shtator) nga gjyqtari Erjon Çela, ndërkohë që SPAK kërkoi që dosja të kalojë për gjykim. Gjykata i ka kërkuar SPAK të kryejë veprime shtesë hetimore për pasurinë e ish-gjyqtarit.
Kujtojmë se Komisioni i Pavarur i Kualifikimit e shkarkoi më 23 mars 2018 nga detyra gjyqtarin e Gjykatës Kushtetuese, Fatos Lulo. Lulo akuzohet për “Fshehje dhe mosdeklarim të pasurisë”. Në seancën paraprake GJKKO vlerësoi që të mos ta kalojë për gjykim dosjen, por ta ridërgojë në prokurori për plotësim të hetimit. Përmes avokatit të tij, Klodian Skënderi, Lulo këmbënguli se nuk ka kryer asnjë vepër penale dhe se pasuria e tij justifikohej në burime të ligjshme.
SPAK njoftoi në korrik mbylljen e hetimit për Lulon, të cilit më herët iu sekuestrua me kërkesë të SPAK një dyqan me sipërfaqe Fatos Lulo 172 m2, në rrugën e Durrësit në kryeqytet.
