Fundi i këtij sezoni televiziv ka sjellë mosmarrëveshje të mëdha midis regjisorit Altin Basha dhe drejtuesve të televizionit ABC.
Sipas burimeve të brendshme pranë këtij televizioni, marrëveshja midis Altin Bashës dhe drejtuesve të televizionit ABC për projektin “Koshere” ka qënë që ky projekt do të financohej nga sponsorët që do të sillte vetë regjisori.
Një synim i tillë nuk ka rezultuar i sukseshëm duke bërë që televizioni të financonte pjesën më të madhe të shpenzimeve në këtë projekt.
Mesa duket për sezonin e ri televiziv regjisori Basha është gjendur me “shpatulla pas muri” duke vënë në pikëpyetje edhe fillimin e këtij spektakli për këtë sezon.
Në vështirësi janë edhe aktorët e këtij produksioni ku sipas burimeve të brendshme prej dy muajsh nuk kanë marrë pagat e tyre.
Një format i tillë televiziv si “Koshere” konsiderohet produksion me buxhet të madh ç’ka do të thotë kosto e madhe financiare për televizionin duke mos marrë mbrapsht fitime.
Nga mosmarrëveshje të tilla regjisori Altin Basha ka dhënë dorëheqjen duke lajmëruar edhe largimin nga ky televizion.
Ende nuk dihet nëse do të ketë një tjetër sezon për këtë spektakël në një ekran tjetër apo gjithçka do të mbyllet në ABC./Pamfleti
