Bashkëshortja e aktorit, George Clooney, Amal ka treguar së fundmi se cilin film të aktorit nuk mund të shohë.
Në një intervistë për “Variety”, Amal ka zbuluar se George nuk e lejon që të shohë filmin e tij “Batman & Robin”. Kjo gjë u pohua dhe nga aktori i cili u shpreh se e ka shtuar atë në ‘listën e ndaluar’ të filmave për gruan e tij.
“Ka disa filma që unë thjesht nuk i lejoj kategorikisht. Unë dua që gruaja ime të ketë njëfarë respekti për mua”, rrëfeu ai.
Mesa duket George nuk e pëlqen filmin apo interpretimin e tij në këtë film.
Clooney dhe Amal u takuan për herë të parë në vitin 2013. Një vit më pas çifti u martua, ndërsa më 6 qershor 2017, ata u bënë prindër të dy binjakëve: vajzës Ella dhe djalit Alexander.
George do të riluajë një film me Brad Pitt-in. Aktorët e njohur, të cilët në të kaluarën kanë luajtur bashkë në plot shtatë filma, po planifikojnë të rikthehen sërish në ekran të madh në projektin e ardhshëm të regjizorit, Jon Watts.
Clooney-t pritet që në fund të këtij vitit t’i dalë projekti, “The Tender Bar”, ku ai është regjizori e rolin protagonist e luan aktori, Ben Afleck.
Në fund të vitit 2022, publiku mund të shohë ribashkimin e George Clooneyt me Julia Roberts, në komedinë e re romantike me titull, “Ticket to Paradise”.
