Politike27 Nëntor 2022, 12:38

Ambasada e SHBA porosi personelit të saj: Shmangni takimet publike me Taulant Ballën

Shkruar nga Pamfleti
Ambasada e SHBA porosi personelit të saj: Shmangni takimet publike me

Këto ditë opinioni publik është njohur me disa akuza të rënda në drejtim të kryetarit të grupit parlamentar socialist, Taulant Balla.

Ai është akuzuar hapur në Gjykatën e Posaçme nga Ardian Çapja se qëndron pas vrasjeve në Elbasan, madje se mund të ketë gisht në ekzekutimin e avokatit Revik Gurra.

Pas këtij lajmi, burime mediatike bëjnë me dije se ambasada amerikane në Tiranë ka porositur personelin e saj që të shmangin takimet publike dhe çdo lloj takimi me Taulant Ballën, deri në sqarimin e akuzave në adresë të tij.

Mësohet se personelit të ambasadës së SHBA i është shpërndarë një mesazh dhe porosia ka qenë e prerë për të gjithë stafin diplomatik.

Pak ditë më parë Ardian Çapja, i akuzuar për disa ngjarje në qytetin Elbasanit dëshmoi ndër të tjera në gjykatë se një politikan me emrin Taulant ka dalë në përgjime por bisedat e tij janë asgjësuar.

Taulant Balla është vënë nën përgjim telefonik nga Prokuroria pas masakrës së 3 shkurtit të vitit 2016 në Elbasan, ku u ekzekutuan në një atentat tre persona (Agron Ramazan Çapja, Ardit Enver Sinakoli, dhe Eno Kujtim Bedalli), ndërsa 8 të tjerë u plagosën.

Hetimet e policisë dhe prokurorisë, sollën përgjimin e dhjetëra personave me qëllimin e vetëm krijimin e dyshimeve se kush mund të ishin vrasësit.

Mes shumë numrave është vënë në përgjim dhe numri i deputetit të PS-së,Taulant Balla.

Kërkesa për vënin në përgjim të Ballës, është bërë nga dy oficerët Edvin Ndreu dhe Eduard Hasani, të cilët i kërkonin prokurorëve të çështjes, vënien në përgjim të listës numerike të ofruar nga policia.

Nga sa ka rezultuar të gjithë numrat janë vënë në përgjim, nga gjykata, përfshirë këtu dhe ai i deputetit Taulant Balla.

Për shkak të ngjarjes shumë të rëndë, numrat janë vënë me shumë urgjencë në përgjim, dhe Taulant Balla, është përgjuar për vetëm dy ditë.

Telefoni i Ballës që mbaron me numra fundorë 399, është përgjuar për 46 orë e 50 minuta me radhë. Përgjimet u fshinë disa ditë më pas me vendim gjykate, por ka të dhëna se një kopje e dosjes është ruajtur.

Gjithashtu, Balla përmendet edhe në biseda nga grupet kriminale me emrin ‘politikani Taulant’ se do të ndërhynte për t’u zgjidhur punë, madje ata e quanin motori.

Balla përmendet edhe në bisedat telefonike nga pjesëtarët e grupit kriminal të Bajrave të Shkodrës.

Politike #Ambasada e SHBA porosi personelit të saj Taulant Balla