Ambasadori i Shteteve të Bashkuara të Amerikës në Kosovë mori pjesë në ceremoninë e përkujtimit të Masakrës së Reçakut, nga ku theksoi pranimi i të vërtetës së të kaluarës është vetëm hapi i parë drejt drejtësisë.
“Askush të mos harrojë ose mohojë se çfarë ndodhi këtu ose përse Shtetet e Bashkuara të Amerikës dhe aleatët tanë u ngritën në mbrojtje të popullit të Kosovës”, tha Hovenier.
Ai shtoi se dëshiron të jetë i qartë për përkushtimin e Shteteve të Bashkuara ndaj të vërtetës. Hovenier citoi ish-Presidentin e SHBA-së, Bill Klinton, që në atë kohë kishtë thënë: “Ishte një akt vrasës i qëllimshëm dhe pa dallim që synonte të mbillte frikë te populli i Kosovës”.
Më 15 janar të vitit 1999, forcat policore dhe ushtarake serbe në Kosovë vranë 45 civilë shqiptarë në fshatin Reçak në Komunën e Shtimes. Krimet e kryera në këtë fshat i kishte dokumentuar kreu i atëhershëm i misionit vëzhgues të Organizatës për Siguri dhe Bashkëpunim në Evropë, William Walker. Ngjarja e Reçakut u pasua nga bombardimet e NATO-s mbi forcat serbe në Kosovë si dhe në Serbi.
Vulin ka mohuar disa herë në të kaluarën Masakrën e Reçakut, duke e quajtur këtë masakër si një “krim të fabrikuar”./REL
