Ambasadori gjerman në Prishtinë, Jorn Rohde ka mbështetur anëtarësimin e Kosovës në Këshillin e Evropës.
Përmes një mesazhi në Twitter, Rohde përshëndet aplikimin e Kosovës duke shtuar se Gjermania mezi pret ta shohë Kosovën pjesë të KiE.
“Mezi presim ta shohim Kosovën si pjesë të Këshillit të Evropës familje që punojnë së bashku për të promovuar të drejtat e njeriut, demokracinë dhe sundimin e ligjit. Kosova i takon Këshillit të Evropës. Gjitha të mirat për procesin e anëtarësimit”, shprehet Rohde.
Vlen të theksohet se, ministrja e Punëve të Jashtme dhe Diasporës, Donika Gërvalla dorëzoi të enjten aplikimin e Kosovës për anëtarësim në Këshillin e Europës. Gërvalla e ka dorëzuar personalisht aplikimin në Strasburg.
