Shkruar nga Pamfleti
Ambasadori i Britanisë së Madhe paralajmëron opozitën: Me 16 shkurt protestë paqësore, 8 vite më parë u vranë 4 protestues, askush nuk mbajti përgjegjësi
Pas thirrjes së ambasadorit të BE në Tiranë për protestë paqësore në 16- shkurt, ka reaguar edhe ambasadori i Britanisë së Madhe në Shqipëri.
Në një postim në Twitter ambasadori Duncan Norman i ka bërë thirrje opozitës të zhvillojë një protestë paqësore më 16 shkurt, pas paralajmërimeve për dhunë
Postimi i Norman:
“MB-ja e sheh të drejtën e protestës si një të drejtë thelbësore demokratike.
Megjithatë, demonstratat duhet të jenë paqësore nëse mbështesin demokracinë.
U bëjmë thirrje atyre që janë të përfshirë në protestat e të shtunës të respektojnë këtë parim”, shkruan ai.
Kryetari opozitës Lulzim Basha ka paralajmëruar se do të tejkalojë kordonin e policisë për të hyrë brenda godinës së Kryeministrisë.
Parlajmërimet për dhunë kanë rritur tensionin mes policise dhe opozitës.
8 vjet më parë, kur Basha ishte ministër i Brendshëm, në një protestë para Kryeministrisë u vranë katër qytetarë.
Ish- kryeministri Berisha mori përgjegjësinë për vrasjen, duke e justifikuar me ligjin e policisë, por ende nuk është gjykuar për këtë
