Kosova30 Qershor 2022, 07:51

Ambasadori i SHBA-së në Prishtinë: Politikanët e përfshirë në korrupsion në Kosovë e rajon, të mos flenë të qetë

Shkruar nga Pamfleti
Ambasadori i SHBA-së në Prishtinë: Politikanët e

Ambasadori amerikan në Kosovë, Jeff Hovenier, ka thënë se njerëzit që janë të përfshirë në krim, si në Kosovë ashtu edhe në rajon, nuk mund të flenë të qetë pasi do të sanksionohen.

“Njerëzit në Kosovë ose në vendet e rajonit, që janë të përfshirë në aktivitete të organizuara kriminale ose korrupsion, nuk duhet të flenë të qetë dhe fare mirë, pasi mund të ketë sanksione të caktuara në çdo moment”, është shprehur Hovenier për Rubikon.

Ai shtoi se nuk ka asnjë paralajmërim për këto vendime, pasi njerëzit e përfshirë në krim do të informohen për sanksionet kur vendimet të bëhen të qarta.

“Ajo që dua të them është se presidenti i ka dhënë autoritet agjensive qeveritare të mbikëqyrin individët që plotësojnë kritere të caktuara potencialisht për t’u sanksionuar. Shumë punë po bëhet në lidhje me personat që janë të përfshirë në sulmin e pajustifikuar të Rusisë në Ukrainë, dhe një numër i njerëzve po sanksionohen për rolin individual që kanë luajtur. Ka autoritete që adresojnë në veçanti krimin e organizuar transnacional dhe njerëzit e përfshirë në krimin e organizuar transnacional dhe korrupsion”, ka përfunduar Hovenier.

Prishtine Jeff Hovenier Kosova