Aktualitet21 Prill 2019, 20:19

“Amerika dhe Rusia, në lufë për Shqipërinë”, Ngjela del me deklaratën e fortë: Po riarmatoset ushtria shqipta

Shkruar nga Pamfleti
“Amerika dhe Rusia, në lufë për

"Amerika dhe Rusia, në lufë për Shqipërinë", Ngjela del me deklaratën e fortë: Po riarmatoset ushtria shqiptare

Avokat Spartak Ngjela jep alarmin se Shqipëria është e rrezikuar nga ndikimi rus. Avokat Ngjela zbardh planin e Rusisë për të shtrirë ndikimin e saj në Shqipëri dhe në të gjithë Ballkanin. Sipas Spartak Ngjelës, Rusia po synon të ketë ndikim në Shqipëri, duke shfrytëzuar politikanët e korruptuar. Ashtu siç thotë avokat Ngjela, Rusia po synon të bëjë për vete politikanët e korruptuar për interes të saj, për të pasur influencën e saj në Shqipëri, një pretendim ky shekullor për të gjithë rajonin e Ballkanit.

Analiza

Shqipëria është në një periudhe të veçantë historike, për të tani ngrihen këto pyetje:
1. A do ta çojë ajo deri në fund Reformën në Drejtësi e cila është strukturuar ndërkombëtarisht që të eliminojë të gjithë këtë klasë politike të korruptuar?
2. Do ta ndihmojë Amerika Shqipërinë për ngritjen e një ushtrie moderne?
3. A do të nisë në Shqipëri reforma në arsim për ngritjen reale të intelektit shqiptar?
4. A do të kthehet Shqipëria pas eliminimit tërësor të klasës politike të korruptuar në qendrën reale të bashkimit arbëror në Ballkanin Perëndimor?

Sigurisht; të gjitha këto do të ndodhin me patjetër.

l.
Gjithçka do të varet nga mendimi politik perëndimor për Shqipërinë, sidomos nga politika amerikane, e cila tani e ka thënë qartë se, në interesin e saj përkundër politikës ruse në këtë zonë, kërkon domosdoshmërisht të përqendrohet në aleancë me politikën shqiptare.

Shqiptarët janë sot 97 përqind proamerikanë; kurse armiqtë shekullore të tyre, dhe pushtuesit e territoreve shqiptare, serbët, janë 80 përqind prorusë.

Ngritja e të gjithë shqiptarizmit si frymë në Ballkanin Perëndimor është interes i madh i politikës amerikane dhe asaj gjermane. Në fakt mu këtu duhej të kishte filluar politika e re shqiptare. Por në Tiranë, krerët e politikës janë kundër interesit kombëtar. Vodhën. Dhe tani duan të shkatërrojnë Shqipërinë. Këtë duan të bëjnë.
Por janë të mbaruar. Te Rusia e kanë shpresën. Si gjithmonë, njëlloj si shitësit e mëdhenj të interesit kombëtar shqiptar.

Por sot e kanë të pamundur. Lodhen kot së koti e fare kot. Janë që në këtë ndërkohë krejt të humbur.

ll.
Opozita që sheh nga Moska tani është e drobitur. Me një grusht të paguarish mendoi të bënte kryengritje destabilizuese. Injorancë e asgjë më.
Po pse, Lul Basha dhe Sali Berisha do ta mundin në Tiranë politikën amerikane!

lll.
Gjithsesi, tani që Parlamenti është i plotë, dhe opozita antireformë nuk është më në Parlament, politika amerikane dhe ajo gjermane e kanë të gjithë Parlamentin nën kontroll dhe prandaj kuptohet se Reforma në Drejtësi tani e më tej nuk mund të ketë më asnjë lloj smbrapsjeje dhe prandaj do ta vijojë strukturimin e saj juridik me shpejtësi.

Shqiptarët po presin me ethe pritëse reformën e premtuar nga Uashingtoni, ndërsa po kuptohet që Uashingtoni, krahas me vënien në vijë të vetë zhvillimit përfundimtar të Reformës në Drejtësi, ka filluar me rritme të shpejta edhe riarmatosjen moderne të ushtrisë shqiptare.

Të dy këta aspekte janë të lidhur me njëri-tjetrin dhe kanë një pikësynim kryesor: ngritjen e Shqipërisë dhe të botës shqiptare në Ballkanin Perëndimor deri në një faktor të rëndësishëm ndërkombëtar. Kjo ngritje ecën me forcë në një aspekt politik dhe ushtarak njëherësh, gjithë po në funksion të konfliktit me Moskën dhe më Beogradin. Sepse kjo do të jetë politika e njëzet vjetëve të ardhshëm.

Është kjo arsyeja që sot pika më e nxehtë e konfliktit ruso-amerikan është Shqipëria, por çështja shqiptare ka fituar.

“Targeti rus për Shqipërinë, është shumë i vështirë”, tha me plot sarkazëm Zv/ndihmë Sekretar Shtetit amerikan, Palmer, para disa ditësh në Tiranë.
Dhe kjo është e vërteta.

Kryesore spartak Ngjela