Editorial 6 Gusht 2022, 12:28

Amerika, Urdhër Ekzekutiv për arrestimet 'VIP'

Shkruar nga Pamfleti
Amerika, Urdhër Ekzekutiv për arrestimet 'VIP'

Amerika, Urdhër Ekzekutiv për arrestimet 'VIP'

Hajdutët, nga i shkurtri tek i gjati, janë në “oborr” të burgut.

Shkruan Sokol Pepushaj

Hajdutët, nga i shkurtri tek i gjati, janë në “oborr” të burgut. Vendimi Ekzekutiv i Presidentit Joe Biden për ndëshkim të krimit në Ballkan, vendos drejtësinë e munguar.

Politika e pushteti, opozita e mafia, nuk e pengojnë dot SPAK-un, që ka bërë gati listën e gjatë dhe prangat. Tek 4 Klanet Mafioze, non-gratat, bizneset e bandat milionere, në Gji të Lalzit, Kodrën e Diellit, Parlament, nga Lukova e deri në Vermosh, në çdo zyrë shteti, ka “Peshq” të mëdhenj.

Janë thjeshtë vetëm për t’u kapur, në grahmat e fundit të frymëmarrjes. Aty në rrjetë pllaquriten, që kur gjuante “Peshk” ambasadori Donald Lu, se amerikanët fjalën e kanë fjalë, se vonesat janë çështje kohe, e koha është në vendin e vet, e jo të akrobacive mashtruese.

“Peshqit” e fshatit tonë këtej zihen pa grep, pa rrjetë, pa ushqim, kapen me dorë SPAK, prandaj çdo vonesë është kosto që mund të kthehet në bumerang, se ka ngjarë edhe me Adriatik Llallën e Bashkim Dedjan, apo jo?

Secila vilë, zyrë shteti, secili emër, ka miliona dollarë kontrabandë në pronën apo bankën, në hekurin a betonin, në ambientin modern e deri në shatërvanët që ngjajnë me ‘cartanët’ e ëndrrave të fëmijëve.

Pse fëmijët e 32 viteve të fundit janë bërë burra mes ëndrrave e gënjeshtrave, sot kemi hendek të thellë që ndajnë shtresat e shoqërisë.

Të varfëritë, edhe pse paguhen shumica më tepër se deputeti, ministri apo kryeministri, ngelen të varfër.

Çdo emigrant, në 32 vitet e fundit është paguar shumë fish me cilindo zyrtar shqiptar, por rroga e tij nuk përballon nevojat minimale të jetës.

Sot e gjithë ditën, kryeministri ka rrogë më të ulët se një punëtor i pakualifikuar në Perëndim. Më pak se 70 euro në ditë është pagesa e ligjshme e Edi Ramës, apo jemi gabim? Nëse është fjala për shërbime, ato para janë konsumuar, prandaj janë tërhequr, ndryshe është vjedhje e pastër.

Me më pak se 70 euro dita, kemi kryeministër fukara, apo jo?

Po të jetë e pavërtetë kjo, do ishte mirë. Do ishim popull i pasur, do kishim shkuar prej kohësh në BE e sot do e kishim tejkaluar Unionin. Ndoshta me kaq pasanikë sa kemi emigracion, do ishim krah Anglisë, të dalë tashmë nga Europa e nuk do lakoheshim nëpër Urdhra Ekzekutiv të Shtëpisë së Bardhë për të sekuestruar milionerët, që në fakt nuk kanë as rroga, as prona, se kaq vend ka Shqipëria, as biznese, se ne 3 milion jemi e prodhim nuk kemi.

Që kanë tejkaluar Europën e Amerikën, kemi çuditërisht ata që duhej të ishin me listë tek dyqani i bukës, pra, doganierët, deputetët a zyrtarët me gjysmë rroga punëtorësh.

Kur Adriatik Llalla, Xhezair Zaganjori, Bashkim Dedja, me rroga rreth 40 euro në ditë, ngjanin me punëtorët që shkojnë për punë në Mal të Zi e Maqedoni, duartrokiteshin se po gjuajnë “Peshq” krah ambasadorëve amerikanë e europianë.

Kështu ka ndodh e askush nuk pyeste, po këta ç’janë?

Këta, ishin mbi këdo, mbi Presidentin, kryeministrin, ishin prologu dhe epilogu i drejtësisë, më të besuarit e diplomacisë amerikane dhe Europiane, se kështu funksionon demokracia sot, apo jo.

Kryeprokurori, Kryetari i Gjykatës së Lartë dhe Kushtetueses, në sy të njerëzisë, kanë rrobë të bardhë, pa njolla.

Po ç’ka ndodhur?

Në pak kohë janë bërë pis fare. Po ç’thotë SPAK-u me ato belbëzimet e Arben Krajës?

Thotë faqen e e vet të zezë. As mish as peshk. Shtiret sikur diçka bëmë e përpiqet të krijojë idenë se milionerët hajdutë, nuk janë dhe aq të ndyrë, sa flitet.

Edhe për drejtuesit e 4 Klaneve Mafioze, që çdo shqiptar ta pyesësh t’i rendit emrat njësh, dysh, tresh dhe katër; Sali Berisha, Ilir Meta, Fatos Nano, Edi Rama, duhet të ndodhin dy mrekulli, që t’u kontrollohet pasuria.

E dyta, drejtësia duhet të futet me forcë, me suport amerikan, tek pasuritë dhe, e para, do duhej të respektohej më shumë vota.

E dyta para të parës ishte pritshmëri.

Ndodhi kjo, pasi Damian Gjiknurët janë të “dobishëm” për të mbushur kosharet me vota, pasi non-gratat janë lojtarë interesantë për të blerë e tjetërsuar vullnetin e sovranit, pra, në lojën e hajdutëve që vetëm ndërrojnë portat e shtiren sikur janë kundërshtarë.

E për fund, SPAK-u nuk ka rrugëdalje tjetër. Vjeshta vjen me arrestime VIP. Thjeshtë kushdo ka pirë gjakun e shqiptarëve do shkojë para drejtësisë, do kthejë gjënë e huaj e do përgjigjet sipas ligjit.

Tek 4 Klanet Mafioze, non-gratat, bizneset e bandat milionere, në Gji të Lalzit, Kodrën e Diellit, Parlament, nga Lukova e deri në Vermosh, në çdo zyrë shteti, ka “Peshq” të mëdhenj që kapen pa grep, prandaj erdhi ajo që ne e lajmërojmë prej vitesh, Departamenti Amerikan nxjerr Urdhër Ekzekutiv për arrestimet VIP./Pamfleti

Editorial Amerika arrestimet ''VIP'' Sokol Pepushaj urdhër ekzekutiv