Trupat ruse kanë hequr dorë nga një “rrethim në shkallë të gjerë” të trupave ukrainase nga Donetsk në qytetin Izyum, i njohur gjithashtu si porta për në rajonin lindor të Donbasit, shprehen analistët ushtarakë.
Rusia ka të ngjarë të ketë prioritet kapjen e plotë të rajonit të Luhanskut, thotë vlerësimi i fundit nga Instituti për Studimin e Luftës (ISW). Forcat ruse ka të ngjarë të përqendrohen në pushtimin e qytetit të Severodonetsk. Është e rëndësishme sepse kontrollimi i tij do t’i mundësonte Rusisë të lëvizte drejt perëndimit dhe të lidhej me forcat e saj që shtyjnë në jug-lindje të Izyum.
ISW thotë gjithashtu se Rusisë i mund t’i kenë mbaruar forcat rezervë të gatshme për luftim, duke detyruar komandën ushtarake të mbledhë ushtarë nga njësi të ndryshme, duke përfshirë ushtrinë private dhe milicitë prokurë.
Shtabi i përgjithshëm ukrainas ka raportuar se rreth 2,500 rezervistë po stërviten në rajonet Belgorod, Voronezh dhe Rostov. Ky numër nuk ka gjasa të plotësojë njësitë ruse që thuhet se kanë humbur 20% të personelit në disa zona.
Ndërkohë në Ukrainën jugore, trupat ruse po tentojnë për një kohë të gjatë, duke kërkuar të vendosin kontroll të përhershëm në disa zona në Mykolaiv dhe Kherson.
Instituti pohon ndër të tjera se Rusia vazhdon të nisë sulmet ushtarake, ajrore dhe detare në kompleksin e fabrikës së çelikut Azovstal në qytetin jugor të Mariupolit, por mbrojtësit në qytetin port të goditur kanë ruajtur pozicionet e tyre./ BBC.
