Gjatë 2 viteve drejtor në Hekurudhë, 6.5 miliardë lekë të zhdukura/ Për aq kohë, sa Vangjush Dako të jetë i lirë e Edi Rama të jetë në pushtet, nuk ka dhe nuk do ketë asnjë ndëshkim, për këtë drejtues, i dërguar 3 herë në prokurori për abuzime të rënda fiannciare e lidhje me grupe kriminale; madje vetë kryeministri Rama e futi në listën e zezë si “Drejtor KÇK” i Hipotekës Durrës dhe e shkarkoi, por 6 muaj më vonë e riktheu paralelisht, në dy poste ku qarkullojnë miliarda, licensa e pasuri të shumta
Prej 16 muajsh, Këshillin Bashkiak të Durrësit e drejton Ani Dyrmishi, ekzemplar i mirënjohur i “Rilidnjes” në këtë qytet; jo për “intelektualizëm”, por për aferat e shumta korruptive, që ka bërë si drejtues insticionesh e shërbimesh publike.
Emri i tij, u fut në listën e zezë të Ramës, si “Drejtor KÇK i Hipotekës Durrës” dhe pas 2 ditësh u shkarkua, paçka se çdo firmë regjistrimi prone, Dyrmishi e vendoste ose jo, vetëm me lista preferenciale e urdhër të Vangjush Dakos.
Por si me “magji”, 6 muaj pasi Rama e shkarkoi nga hipoteka dhe e përjashtoi nga administrata publike; më 5 dhjetor 2017, vetë Rama e promovoi në media si “intelektual e drejtues të ndershëm” dhe e emëroi Drejtor të Përgjithshëm të Hekurudhës.
Ndërsa pas këtij emërimi, u caktua zv/drejtues politik i Qarkut-Durrës ne grupin “Dako” e më 30 qershor 2019, u emërua kryetar i Këshillit Bashkiak-Durrës, në vend të ish-kryetarit A.R., i dënuar 2 muaj burg për vjedhje energjie elektrike.
Ku e gjen “fuqinë” Ani Dyrmishi, që detyron edhe kryeministrin, t’i japë poste qeverie e pushteti lokal, pasi e ka larguar publikisht për krim pronash në hipotekë?
Ka dy fakte antiligjore:
– Kryetari i Këshillit Bashkiak të Durrësit, Ani Dyrmishi, duhej të mos mandatohej në këtë detyrë, për shkak se ka qenë pjesë drejtuese e disa bizneseve, me pronarë që kanë probleme të rënda me drejtësinë; dhe është ende nën hetim, për 3 dosje korrupsioni e sipas ligjit të dekriminalizimit, i ndalohet të jetë drejtues pushteti.
– Ky drejtues, sot duhej ishte para drejtësisë, jo pse në vetëdeklarimin e tij, po fsheh universitetin ku thotë se është diplomuar “Jurist” apo vitin e diplomimit e 7 vite punë “enigmë”, por për zullumet e bëra në tre detyrat shtetërore prej 2013-ës e deri sot.
Referuar raportit të auditit dhe dosjes hetimore, rezulton se në Hekurudhë, me urdhër të drejtorit Dyrmishi, janë vjedhur 6.4 miliardë lekë të reja, financime nga buxheti i shtetit e të ardhura; konkretisht në këto vlera financiare:
– Në 6 muajt janar- maj 2019, drejtori i Hekurudhës, Ani Dyrmishi, ka sajuar e firmosur borxh fiktiv me të tretët, në vlerën 1 miliardë, 895 milionë e 812 mijë lekë, për gjoja blerje mallrash e pajisjesh dhe kryerje shërbimesh, të cilat nuk janë bërë faktikisht.
– Drejtori Ani Dyrmishi, ka firmosur (pranuar) heqjen dorë nga çështja gjyqësore e dëmshpërblimit në favor të Hekurudhës, për 14 milionë, 223 mijë e 134 lekë borxh, që i kanë firmat private.
– Ka hequr dorë nga çështjet në Gjykatën e Apelit-Durrës, duke u pushuar 7 dosje gjyqësore për detyrime nga privatët, më humbje për Hekurudhën në vlerën 3 miliardë, 934 milionë, 183 mijë e 493 lekë të reja.
Me urdhër të drejtorit Ani Dyrmishi, nuk është ankimuar vendimi Gjykatës Durrës, për vlerën 44 milionë, 321 mijë e 985 lekë të reja borxh nga firmat private; mbasi këto (sipas KLSH) janë zhdukur me kontrata e letra false, nga drejtori paradhës i LSI.
– Për vitin 2018, Hekurdha ka krijuar 382 milionë, 798 mijë e 300 lekë të reja borxhe, të marra nga subjekte private, por nuk ka projekte, preventiv e letra zyrtare, se për çfarë e në cilët sektorë janë përdorur.
Pyetje, me përgjigje në vijim: – Çfarë batërdie, ka bërë drejtori Ani Dyrmishi, gjatë 15 muajve drejtues në Hipotekën-Durës; në 2 vite e gjysëm Drejtor i Fondit të Ilaçeve dhe gjatë 1 viti, në krye të Këshillit Bashkiak-Durrës, me fondet e rindërtimit: qira e riparim banesash./Pamfleti
