Shkruar nga Pamfleti
Gjermania i dorëzon Ukrainës 15 tanket e para kundërajrore, Kuleba: Berlini, në drejtimin e duhur!
Kancelari gjerman Olaf Scholz ka deklaruar se Gjermania do të rrisë bashkëpunimin e saj ushtarak me Finlandën dhe Suedinë dhe se është pro një ratifikimi “shumë të shpejtë” të pranimit të tyre në NATO.
“Ne do të intensifikojmë bashkëpunimin tonë ushtarak veçanërisht në rajonin e Detit Baltik dhe nëpërmjet stërvitjeve të përbashkëta”- tha Scholz, raporton BBC.
Përmes një konference të përbashkët për shtyp me kryeministrin e Lihtenshtajnit, kancelari gjerman thotë se ka besim që Turqia do të mbështesë Finlandën dhe Suedinë që t’i bashkohen aleancës, pavarësisht kundërshtimeve të saj fillestare.
Më herët, Scholz foli me presidentin ukrainas Volodymyr Zelensky dhe, sipas një zëdhënësi të kancelarit, ata ranë dakord që një zgjidhje e negociuar diplomatike midis Ukrainës dhe Rusisë do të kërkonte “një përfundim të menjëhershëm të armiqësive nga ana e Rusisë dhe një tërheqje të trupave ruse nga Ukrainë”.
