Perëndimi vijon të japë alarmin se lufta në Ukrainë mund të përkeqësojë situatën ushqimore në botë.
Sekretari amerikan i Shtetit Antony Blinken deklaroi se pas sulmit rus, janë dhe rreth 40 milionë njerëz të tjerë që mund të vuajnë urie.
“Kishte një gjendje paraekzistuese, si të thuash, kur bëhet fjalë për pasigurinë ushqimore në shumë vende. Është përkeqësuar në mënyrë dramatike nga agresioni rus kundër Ukrainës, duke shtuar 40 milionë njerëz të tjerë tek ata që janë të pasigurt ushqimor”, tha Blinken në një takimi me ministrin e Jashtëm pakistanez Bhutto Zardari.
Në Nju Jork po mbahet në një mbledhje mbi sigurinë ushqimore. Administrata Biden po punon ngushtë me aleatët evropianë në përpjekje për të zhvilluar rrugë për të nxjerrë grurin dhe misrin ukrainas jashtë vendit pasi Rusia bllokoi anijet ukrainase të niseshin me drithëra që janë jetike për furnizimet ushqimore në mbarë botën, veçanërisht në Afrikë dhe Lindja e Mesme.
