Ndërkohë që ne hapim ekranin e celularit, në më pak se 10 sekonda, Apple arrin të fitojë rreth 17 mijë dollarë.
Ky është rezultati që doli nga një analizë për të ardhurat e koorporatave me të mëdha amerikane, për të zbuluar se cila prej tyre fiton më shumë në një sekond.
Apple zuri vendin e parë. Ajo fiton 1752 dollarë në sekondë ose 151 milionë dollarë në ditë.
Në vend të dytë është Microsoft me 1244 dollarë për sekondë, ose 107 milionë dollarë në ditë.
Dhe vendin e tretë e mban Google, ku në një sekondë, kompania merr 1,089 dollarë dhe në një ditë 94 milion dollarë.
Studiuesit tregojnë se këto fitime u rritën gjatë periudhës së pandemisë me 10 deri në 15 përqind.
“Njerëzit kishin më shumë kohë të qëndronin përballë celularit apo kompjuterit duke bërë sa më shumë blerje online. Ato gjithashtu krijuan një lidhje më të fortë me pajisjet e tyre, duke zgjedhur të shkonin drejt Apple apo Microsoft”, tha Brian Nowak, drejtor i kërkimit në website.
Sipas përllogaritjeve të revistës Forbes, aktualisht në botë janë 365 miliarderë që kanë ngritur pasurinë e tyre falë teknologjisë, krahasuar me 241 para pandemisë.
