Showbiz25 Nëntor 2022, 12:44

Arbana Osmani flet për BBV2: Këtë vit kasti do jetë i shkëlqyer, do i lërë në hije ata të edicionit të shkuar

Shkruar nga Pamfleti

Arbana Osmani flet për BBV2: Këtë vit kasti do jetë i shkëlqyer, do i lërë në hije ata të edicionit të shkuar

Pas suksesit të BBV1, publiku është gjithë ‘sy e veshë’ për një BBV2. E ftuar sot në emisionin e mëngjesit në TCH, Arbana Osmani tha se kasti është përzgjedhur tanimë dhe se do jenë personazhe që kanë një karrierë më të konsoliduar se pararendësit e tyre në edicionin e mëparshëm.

‘Do të nisë brenda këtij viti. Është përzgjedhur kasti. Kemi kërkuar personazhe dhe karaktere që njerëzit të afeksionohen pas tyre. Edhe në edicionin e parë, publiku e ndiqte sepse u pëlqenin personazhet, jo skandalet. Ndryshe nga viti i kaluar janë personazhe më të njohur dhe kanë karriera më aktive dhe më të gjata. Ka një konkurrencë shumë më të madhe se kush do të hyjë, nga viti që shkoi. Kemi gati një edicion të ri me një kast të shkëlqyer që mbase do t’i lënë në hije ata të edicionit të kaluar. Ato personazhe ishin vërtetë shumë simpatikë dhe antagonizmi Ilir-Donald tërhoqi shumë tifozeri që u krijuan.’- tha Arbana.

Pyetjes: Mendon se do ketë një dyshe të tillë në BBV2?, Arbana iu përgjigj:

‘Shpresoj që jo, e uroj me gjithë zemër. Ishte shumë e bukur ta kishe, por edhe vështirë të menaxhoje gjithë presionin, se ishin shumë afër me njëri-tjetrin.’- tha Arbana.


smile

Lifestyle #BBV2 Arbana Osmani Kasti