Politike30 Qershor 2022, 12:19

Arben Ahmetaj: Ekonomia vetëm po rritet, kjo nuk vjen nga Zoti, por nga qeveria

Shkruar nga Pamfleti
Arben Ahmetaj: Ekonomia vetëm po rritet, kjo nuk vjen nga Zoti, por nga

Si çdo fjalim në foltoren e Parlamentit  edhe sot  zv.kryeministri Arben Ahmetaj ka folur për rritjen ekonomike që vetëm ai e shikon sepse po të dalësh në pyesësh qytetarët, të gjithë ankohen për rritjen e çmimeve.

Në Kuvend, Ahmetaj recitoi fjalimin ku tregonte për mënyrën sesi qeveria i është përgjigjur krizës së çmimeve pas pushtimit të Ukrainës.

Ai u shpreh se ekonomia si askund tjetër është në rritje. Krahas blegtorisë, edhe bujqësia sipas Ahmetajt po sheh rritje të prodhimit, pavarësisht situatës.

“Invazioni rus në Ukrainë. Sot, shyqyr zotit keni lexuar 7 faqe dhe keni gjetur që gjithë bota e ka pranuar që kriza e çmimeve është pasojë e invazionit rus. Qeveria bëri një paketë injektuese për qytetarët në nevojë e pensionistët. Filozofia nuk ndryshoi. Çmimet e energjisë i mbajtëm si asgjëkundi tjetër të pandryshuara. Shumë shpejt do të shtojmë edhe një 500 milionsh për naftën e fermerëve.

Ju me demek të djathtët duhet ta vendosni…Investimet publike kanë një ngërç sepse vjen nga çmimet. Çfarë bën qeveria kompenson në favor të të mirës publike.  Ekonomia është në rritje. E vetmja ekonomi në rajon që ka mbajtur ritmin gati 6%. Nga vjen kjo, nga fryma e Zotit? Nuk ka këtu kontribut injektimi i qeverisë?  Edhe bujqësia, veç blegtorisë ka rritje të ndjeshme në prodhim. Nga se vjen kjo? Kjo vjen për shkak të politikave injektuese subvencionuese fiskale. Cila është arsyeja që janë rritur investimet? Është rekord injektimi…Po vendoseni, nëse jeni të majytë, gjys të djathtë. Ne jemi të majtë dhe do t’i mbështesim të gjithë qytetarët në nevojë. Do vazhdojmë me paketë të re nëse do të jetë nevoja në nevojë.”, tha ai.

Ahmetaj u ktheu përgjigje edhe atyre që thonë se Shqipëria radhitet mes vendeve me çmimin më të lartë të naftës. Sipas zv/kryeministrit ka shtete të Evropës që i kanë çmimet edhe më të larta.

Në këto ujëra për rritjen ekonomike ka folur edhe ministrja e Shtetit për Standardet dhe Shërbimet, Milva Ekonomi. Ajo deklaroi sot në Kuvend se ekonomia u rrit me rreth 6 %, një shifër më e lartë se ajo e vendeve të BE-së.

Ekonomi iu referua të dhënave të INSTAT, sipas të cilave Produkti i Brendshëm Bruto (PBB) në tremujorin e parë të vitit 2022 vlerësohet me rritje prej 5,97 %, kundrejt tremujorit të parë të vitit 2021. Ajo deklaroi se ekonomia jonë ka rezistuar.

Politike #ArbenAhemtaj