Arkivi Shqiptar dhe ai i Kosovës u bënë bashkë këtë 109 vjetor të pavarësisë për të publikuar në kalanë e Tiranës dokumente dhe fakte historike të nëntorëve që bënë historinë e Shqipërisë. Nga nëntori i Skënderbeut, deri te ai i çlirimit dhe më vonë, ishin të paraqitura përmes fotove dhe dokumenteve dhe do të jenë të hapura për publikun edhe sot, në festën e çlirimit.
“Nga nëntorët vijmë, në nëntorë shkojmë”. Me këtë titull, Arkivi Shqiptar dhe ai i Kosovës çelën ekspozitën historike në kalanë e Tiranës.
Në këtë ekspozitë u publikuan disa dokumente dhe foto nga nëntori i Skënderbeut deri te ai i çlirimit.
Ky është viti i tretë i ekspozimit të këtyre dokumenteve, pas atij që u mbajt në Vlorë dhe në Kosovë.
Ekspozita “Nga Nëntorët vijmë, në nëntorë shkojmë” do të jetë i hapur edhe në 29 nëntor, për tu dhënë mundësi të gjithë të interesuarve të shohin nga afër dokumentet dhe fotot e rëndësishme të historisë së Shqipërisë.
Aktivitieti u përshëndet edhe nga më të vegjëlit, me kërcime dhe veshje tradicionale.
Ndërsa në fund nuk mungoi as simbolika e tortës së 109-vjetorit të pavarësisë.
